Ishyirahamwe ry’Afrika ry’umupira w’amaguru CAF ryahagaritse ikibuga cy’umupira cyitwa Mahamasina, cyo mu murwa mukuru wa Madagascar Antananarivo. Itangazo rya CAF rigira, riti: “Ishyirahamwe ry’umupira w’amaguru rya Madagascar ribujijwe gukinisha ikipe y’igihugu kuri iki kibuga mu gihe cy’amezi atatu.” CAF kandi yaciye ishyirahamwe ry’umupira w’amaguru rya Madagascar ihazabu y’amadolari ibihumbi icumi. Madagascar yatangaje ko itazajurira. Intandaro y’ibihano bya CAF ni urupfu rw’umuntu umwe waguye mu mibyigano yabaye ku italiki ya cyenda y’uku kwezi mbere y’umukino wa Madagascar na Senegal mu rwego rw’amajonjora y’igikombe cy’Afrika 2019. Abandi bantu 41 barakomeretse. Ariko ntibyabujije umukino kuba. Warangiye amakipe yombi anganya ibitego bibili kuri bibili.
from Voice of America https://ift.tt/2xKCSgB
via IFTTT
No comments:
Post a Comment