Umurwi w’abamenyeshamakuru bakora amatohoza baremeje ko Umurusiya akorera igisata c’iperereza ari umwe muri babiri bagirizwa kugerageza kwica Umurusiya yigeze kuba asumira urusaku Uburusiya hamwe n’umukobwa wiwe mu ntango z’uyu mwaka. Ubutungane bw’Uburusiya bwegetseko ivyaha Abarusiya babiri, Alexander Petrov na Ruslan Boshirov, kuba bagerageje kwica Sergei Skripal hamwe n’umukobwa wiwe, Yulia, bakoresheje ubumara mu gisagara ca Salisbury mu Bwongereza mu kwezi kwa gatatu igenekerezo rya 4. Abategetsi b’Ubwongereza bavuga ko abo bagabo babiri bashitse ku kibuga c’indege c’i Londres imisi ibiri imbere yo gukora iryo bara. Basubiye mu Burusiya kuri uwo musi nyene ku mugoroba. Ivyo vyagiriji Uburusiya bwamye bubihakana.
from Voice of America https://ift.tt/2zy6P56
via IFTTT
No comments:
Post a Comment