Umupolisi wa DRC bafatiye mu Rwanda ngo yariho asoroma imboga

Sergent Major Namegabe Ndosa Jean Paul umupolisi wa Congo yafashwe kuwa gatandatu tariki 26 mu kagari ka Bugoyi mu murenge wa Gisenyi uyu munsi nibwo yasubijwe iwabo. Avuga ko yariho yisoromera imboga akagira ikibazo.

S/Major Namegabe asobanura uko yisanze mu Rwanda

Ubwo yariho asubizwa iwabo na Police y’u Rwanda hari n’indorerezi za JVEM, S/Maj Namegabe yavuze ko yagize ikibazo mu mutwe akisanga ari mu bitaro bya Gisenyi.

S/Maj Namegabe usanzwe ukorera murUnité ya Police yo ku mupaka ya Congo yavuze ko yariho yisoromera imboga muri Zone neutre y’umupaka maze akagira ikibazo.

Avuga ko asanzwe arwara mu mutwe ndetse kwa muganga bamusabye gukoresha ikizamini cya Scaneur ariko yabuze amafranga yo kugikoresha.

Umuyobozi wa Police mu karere ka Rubavu yavuze ko bamaze gufatira uyu mupolisi  wa Congo mu Rwanda bamujyanye kwa muganga agasuzumwa ntihagire ikibazo kidasanzwe abaganga babona.

Ngoyacumbikiwe kuri Police yitabwaho kugeza uyu munsi asubijwe iwabo.

Si ubwa mbere umupolisi wa Congoafatiwe ku butaka bw’u Rwanda, byabayeho inshuro zigera kuri eshanu mu myaka ibiri ishize.

Alain K KKAGAME

UMUSEKE.RW/Rubavu  

from UMUSEKE http://ift.tt/2vwayvt