Koreya ya Ruguru yatangaje ko igisasu gikurikira izagitera ku butaka bwa Amerika

Mu gitondo cyo kuri uyu wa Gatatu tariki 30 Kanama nibwo ibiro bishinzwe itangazamakuru muri Koreya ya Ruguru byatangarije CNN ko ikirwa cya Gwam aricyo bagiye guteraho igisasu cya Misile nyuma y'uko icyo bateye mu Buyapani basanze cyaragenze uko babyifuzaga cyane ko mbere yo gutera iki gisasu bari babanje kubimenyesha igihugu cy'u Buyapani.

Mu nama y'umutekano ya ONU yahise iba igitaraganya kuri uyu wa Kabiri, Nikki Haley, uhagarariye Amerika muri ONU yavuze ko yizeye ko ibihugu by'u Bushinwa n'u Burusiya bizakomeza gukorana nabo kubyerekeye icyo kibazo, nk'uko bakoranye mu bihe bishize.

Perezida Trump wa Leta zunze ubumwe za Amerika yavuze ko bigaragara ko Koreya ya Ruguru yasuzuguye icyemezo cyafatiwe mu nama y'umutekano ya ONU , akaba yavuze ko bagiye kwiga icyo bazakorera iki gihugu cya Koreya gikomeje kuvunira ibiti mu matwi kirenga ku busabe bwa ONU.Ubu ni ubutumwa bwatanzwe na Koreya ya Ruguru mbere yo kurasa igisasu/Photo:CNNIkirwa cya Gwam ahari ibirindiro by'ingabo za AmericaPerezida Kim Jong Un wa Koreya ya Ruguru n'abasirikare be iyo bamaze kugerageza igisasu bakubita agatwenge

from UKWEZI.COM http://ift.tt/2xLVwCq
via IFTTT