Umutwe w’inyeshyamba zirwanya u Burundi((les Force républicaines du Burundi-FOREBU) ugizwe n’abahoze mu ngabo z’icyo gihugu na Polisi, watangaje ko ugiye gutera u Burundi.
Uyu mutwe uyobowe na Gen. Godefroid Niyombare wari uyoboye igikorwa cyo guhirika ubutegetsi cyaburijwemo mu mwaka wa 2015, wavuze ko wamaramaje mu kugaba ibitero byinshi kuri guverinoma ya Perezida Pierre Nkurunziza. Ibi bibazo kandi ngo bizateza umutekano muke mu karere u Burundi buherereyemo.
Ibikorwa bihungabanya umutekano, ni kimwe mu byo uyu mutwe ubona kizatuma ubutegetsi bwa Nkurunziza bwemera kwitabira ibiganiro by’amahoro asabwa kugirana n’imitwe irwanya leta y’u Burundi.
Ibi biratangazwa n’umuvugizi w’uyu mutwe Adolphe Manirakiza, mu kiganiro yagiranye n, ikinyamakuru Bloomberg kuri telefoni aho ari ariko atashatse gutangaza mu Mujyi wa Kigali.
Yakomeje avuga ko uyu mutwe yagizwe n’abahoze mu ngabo na polisi, harimo kandi n’igice cy’umutwe wa Forebu wavugwagaho kugaba ibitero ku birindiro by’ingabo z’u Burundi mu mwaka ushize.
Yagize ati “Byadusabye gukora ibikorwa bya gisirikare mu guhangana n’ubutegetsi bwa Bujumbura, mu rwego rwo guhagarika ibyaha inzego za leta zikomeje gukorera abaturage. »
Mu Burundi havuzwe ibikorwa by’umutekano muke. Kimwe mu byabaye imbarutso ni uko Perezida Nkurunziza yatangaje ko azongera kwiyamamaza.
Abatamushyigikiye babyamaganiye kure, bavuga ko manda ebyiri yemererwa nkuko byari mu masezerano yarangije intambara muri icyo gihugu.
Uko kutumvikana kwakurikiwe n’ibibazo by’umutekano muke. Bimwe muri byo ni nk’igikorwa cyo gushaka guhirika ubutegetsi cyateguwe na Gen Niyombare ariko nticyamuhira. Hirya no hino muri icyo gihugu hagiye kumvikana ubwicanyi. Icyo gihe abigaragambyaga baraswagaho n’inzego z’umutekano, mu gihe abasaga ibihumbi 400 bahunze igihugu guhera muri Mata 2015.
Abo bigaragambya kandi bagabaga ibitero ku basirikare n’abayobozi muri leta y’u Burundi.
Guverinoma y’u Burundi yanze kwitabira ibiganiro n’abatavuga rumwe nayo byabereye muri Tanzania. Ibyo biganiro kandi byari kwitabirwa n’imitwe irwanya ubutegetsi, irimo abahoze ari abasirikare ba leta baregwa gushaka guhirika ubutegetsi muri Gicurasi 2015 ariko ntibabigereho.
Tariki ya 21 Kanama, Umuyobozi wa komisiyo ya Loni yashyiriweho u Burundi aherutse gutangaza ko nta cyerekana ko ibintu biri gusubira ku murongo muri iki gihugu. Ubwo yahagarega ngo yasanganijwe ibibazo by’abicwa, abakorerwa iyicarubozo ndetse n’ababuriwe irengero.
Manirakiza wahoze ari Colonel mu ngabo z’u Burundi ntatangaza aho uwo mutwe uherereye.
Raporo yashyizwe ahabina n’itsinda rya Loni rigizwe n’inzobere ziri muri Repubulika Iharanira Demokarasi ya Congo, yagaragaje ko guhera hagati mu mwaka wa 2017, Forebu wabaye umutwe ukomeye w’abitwaje intwaro ukorera muri Congo Kinshasa. Uwo mutwe ngo wari ufitte abarwanyi bashobora kuba bariri hagati ya 300 na 500 mur Gicurasi uyu mwaka.
Umuvugizi w’igisirikare cy’u Burundi Col. Gaspard Baratuza yatangaje ko batabona uwo mutwe mushya, dore ko ngo na Forebu ubwayo yifitemo gucikamo ibice hagati yayo.
Gen Niyombare yemeje ko FOREBU igizwe n’abarwanyi basaga 1000
Gen Maj Godefroid Niyombare
Muri Gicurasi 2017, Gen Niyombare yatangaje ko bari mu mashyamba ari hagati y’u Burundi na Congo , aho ayoboye umutwe w’inyeshyamba zahoze mu ngabo z’u Burundi. Aho ahamaze imyaka ibiri adatembera ndetse atanabonana n’umuryango we. Uwo mutwe yavuze ko ari Forebu, washinzwe tariki ya 23 Ukuboza 2015, ugizwe n’abasirikare basaga 1000 bahoze mu ngabo z’u Burundi barimo n’abari bafite amapeti yo hejuru. Uwo mutwe washinzwe n’abahoze mu ngabo z’u Burundi bishyize hamwe ngo barwanye Leta y’u Burundi.
Manirakiza yakoze imirimo ikomeye mu gisirikare cy’u Burundi
Colonel Adolphe Manirakiza, ni umwe mu basirikare bakuru batatu baheruka kwirukanwa mu gisirikare cy’u Burundi utaranyuzwe n’uko kwirukanwa. Icyo gihe yari yavuze ko azakurikirana abafashe ingingo yo kumwirukana bamushinja gutoroka igisirikare, kandi ariwe yari yaranditse amenyesha ko atakivuyemo ku bushake bwe.
Manirakiza yigeze kuba umuvugizi w’igisirikare c’Uburundi, akaba kandi yarabaye umuvugizi w’ingabo z’u Burundi zoherejwe mu butumwa bwa Loni muri Centrafrique.
Uyu musirikare yavuze ko asoje akazi muri ubwo butumwamuri Centrafrique yandikiye Perezida Nkurunziza na Minisitiri w’Ingabo abamenyesha ko asezeye. Yanafashe kandi n’icyemezo cyo kudataha mu gihugu kubera ibibazo by’umutekano we, nyuma yuko amenye amakuru ko ashobora kugirirwa nabi.
Inzego z’igisirikare cy’u burundi zanze kumusinyira ko asezera mu kazi, arirukanwa. Yahise avuga ko igihugu nigisubira ku murongo, azakurikirana abafashe icyemezo cyo kwica amategeko banditse ko yirukanwe kandi we yarisabiye kuva mu gisirikare.
Manirakiza avugwa mu mugambi wo kwirukanisha bamwe mu basirikare b’u Burundi bari muri ubwo butumwa muri Centrafrique. Ibyo ngo yabikoze afatanyije n’abanyamahanga ariko arabihakana.
Colonel Manirakiza yirukanwe mu gisirikare yari amazemo imyaka 27. Byakozwe ku bw’itegeko ry’umukuru w’igihugu Pierre Nkurunziza. Yirukananwe n’abandi basirikare babiri ; Lieutenant Colonel Aimable Habiyambere SS0546, na Capitaine Emmanuel Nsavyimana SS1608.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com
from bwiza http://ift.tt/2iIXoJJ
via IFTTT
No comments:
Post a Comment