Nubwo impunzi z’Abarundi ziriho mu buzima butari bwiza mu buhungiro, bamwe mu Barundi bahungiye mu Rwanda batangiye ibikorwa bibinjiriza amafaranga nk’uko byemezwa n’umwe muri bo; Edouard Manariyo kuri ubu washinze butike mu Karere ka Nyamata imwinjiriza amafaranga akabasha no kubona imisoro.
Ni mu mudugudu wa Rugarama III, Umurenge wa Nyamata, ho mu Karere ka Nyamata, aho umwe mu mpunzi z’Abarundi yagerageje gukora itandukaniro. Ubwanditsi bw’urubuga rwa radio RPA dukesha iyi nkuru bukaba bwaravuganye n’uyu Murundi wahawe aya mazina ku mpamvu ze z’umutekano, abusobanurira uko yishingiye butike icuruza ibyo kurya mu buhungiro.
Aragira ati: “Umugore wanjye na njye twagiye nta kintu dufite. Iyi butiki ni umusaruro w’ubwizigame twagize kuva twagera aha mu buhungiro.”
Muri ubu bucuruzi bwe burimo kuzamuka, Edouard Manariyo, yasabye ubuyobozi bw’’u Rwanda icyemezo cyo gutangira gukora aragihabwa, nubwo ngo mu gutangira ibintu bitari bimworoheye.
Avuga ko mu ntangiriro, bahuye n’ikibazo cyo kwishyura imisoro, ariko kuri ubu bakaba bishimira gutangaza ko ubu bari mu murongo ku kijyanye n’imisoro.
Nubwo bimeze gutyo, uyu Murundi atangaza ko hakiri utubazo ahura natwo, ariko ngo igikomeye cyane ni ukubura igishoro gihagije. Uyu akaba ahamagarira bagenzi be bahungiye mu Rwanda, kugerageza bagatinyuka bagahanga imirimo yabaha amafaranga.
Mu gice cya Bugesera, mu burasirazuba bw’u Rwanda, habarizwa impunzi z’Abarundi zigera mu 17,000, zimwe muri zo zikaba zaratangiye ibikorwa bizinjiriza amafaranga nk’inganda zikora imigati, za butike zicuruza imyaka n’amaresitora.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
from bwiza http://ift.tt/2xLX930
via IFTTT
No comments:
Post a Comment