Nyuma yo gutwara igikombe cya shampiyona, Rayon Sports yasuye igicumbi cyayo mu ntara y’amajyepfo muri iyi week-end. Yasuye mu Rukari, abakinnyi basobanurirwa inkomoko ya Rayon sports irimo ubwami bwari bufite ingoro i Nyanza.
Abasore ba Rayon sports basuye mu Rukari
Igikorwa cyo gusura igicumbi cya Rayon sports mu turere tw’intara y’amajyepfo turimo Muhanga, Ruhango, Nyanza na Huye cyateguwe n’abakunzi bayo badukomokamo bari muri Fan Club yitwa ‘Les Bleus du Sud’.
Mu rwego rwo kwishimira igikombe cya shampiyona yatwaye mu mwaka ushize w’imikino, abakunzi ba Rayon bo mu majyepfo bishimiye kucyerekwa ku mugaragaro mu bikorwa bitandukanye byakozwe muri iyi week-end. Yakinnyemo imikino ibiri ya gicuti; itsinda AS Muhanga 6-0, inatsindwa n’Amagaju FC 2-1.
Abakinnyi bose bafite amasezerano muri Rayon sports (n’abo itazakoresha uyu mwaka) bitabiriye umuganda mu karere ka Nyanza mu gitondo cyo kuri uyu wa gatandatu tariki 26 Kanama 2017, nyuma banasura inzu ndangamurage y’u Rwanda i Nyanza.
Habonetse umwanya wo gusobanurira abakinnyi b’abanyarwanda n’abanyamahanga inkomoko n’amateka ya Rayon sports. Ihuriro ifitanye n’ubwami bw’u Rwanda bufite igicumbi i Nyanza.
Nyuma y’iyo mihango hakozwe umutambagiro w’ikipe n’abafana, bava i Nyanza berekeza i Huye bereka abakunzi b’iyi kipe bo muri aka gace igikombe cya shampiyona iyi kipe yegukanye mu mwaka ushize w’imikino.
Intego yari ugusoza neza umwaka ushize w’imikino no guhiga imihigo y’umwaka mushya uzatangira mu kwezi gutaha.
Rayon sports yakinnye imikino ibiri mu ntara y’amajyepfo
Abakunzi ba Rayon mu majyepfo bamaze week end mu birori
Basobanuriwe amateka y’u Rwanda rwa mbere ya Repubulika
Roben NGABO
UMUSEKE
from UMUSEKE http://ift.tt/2gh6AEa
No comments:
Post a Comment