Umuhanzi Ngabo Medard uzwi ku izina rya Meddy nubwo yabonye ubwenegihugu bwa Amerika avuga ko igihugu cye ari u Rwanda, amaraso ye ari ay’ubunyarwanda.
Ku wa Gatandatu tariki 26 Kanama 2017 ahagana saa kumi (16:00) nibwo Meddy yasesekaye ku kibuga mpuzamahanga cya Kigali i Kanombe, nyuma yo kugera mu Rwanda yagiye abazwa byinshi harimo n’ikibazo yabajijwe niba yaba yarabonye ubwenegihugu bwa Amerika.
Uyu musore wari ukumbuwe cyane n’abafana be, mu gusubiza yavuze ko ubu ari umunyamerika gusa yongeraho ko ari umunyamerika mu mpapuro akaba Umunyarwanda mu maraso no ku mutima.
Ati “yego kugeza ubu nabonye ubwenegihugu ndi umunyamerika, ndi umunyamerika mu mpapuro ariko mu maraso no ku mutima ndi umunyaRwanda”.
Mu kiganiro ‘Ten to night’ gica kuri radio dix , Meddy yanabajijwe uko afata Perezida wa Amerika, Donald Trump, yasubije avuga ko n’ubwo buri muperezida wese agira umwihariko we mu miyoborere, we avuga ko atita ku bya politiki cyane.
Ati “Njyewe n’ubwo ntabijyamo cyane mba nibereye mu muziki, ntabwo ndi inshuti ye nta nubwo ndi umurepubulikani”.
Kuri ubu Meddy aje gutaramira Abanyarwanda mu gitaramo ‘Mutzig Beer Fest 2017’. Tariki 02 Nzeri 2017 nibwo iki gitaramo kizaba kibere i Nyamata, abandi bahanzi bazitabira ni Blinky Bill uzaba aturutse muri Kenya,…
Yanatangaje ko nyuma y’iki gitaramo azazenguruka igihugu ataramira abakunzi be mu cyo yise “Ntawamusimbura Tour” mu rwego rwo kwegera abafana be batazabasha kugera aho azakorera iki gitaramo.
Meddy agarutse mu Rwanda nyuma y’imyaka 7 aba muri Leta zunze ubumwe za Amerika, yamenyekanye mu ndirimbo nyinshi zakunzwe n’abatari bacye, harimo Amayobera, igipimo, ni njyewe, burindebucya na Slowly aherutse gushyira hanze.
Kanda hano ujye ubona amakuru yihuse kandi kugihe kuri Facebook no kuri twitter
Emmy/Bwiza.com
Kanda hano ujye ubona amakuru yihuse kandi kugihe kuri Facebook no kuri twitter
from bwiza http://ift.tt/2xGDeTg
via IFTTT
No comments:
Post a Comment