Igihe: AMAFOTO: Savio Nshuti yatangiye imyitozo muri AS Kigali

Umuvuduko wa Savio wafashije Rayon sports mu myaka ibiri ishize, wimuriwe muri AS Kigali

Mu gihe habura iminsi ibiri ngo AS Kigali itangire Rubavu Pre season Tournement, bishimiye kwakira mu myitozo abakinnyi bayo bavuye mu ikipe y’igihugu Amavubi, barimo abashya nka Savio Nshuti Dominique. Iyi kipe kandi yishyuye abakinnyi yari irimo imyenda ngo batangire kurushanwa bari mu mwuka mwiza.

Savio Nshuti Dominique yatangiye imyitozo muri AS Kigali

Kuri uyu wa kane tariki ya 31 Kanama 2017 nibwo mu karere ka Rubavu hazatangizwa irushanwa mpuzamahanga ryo kwitegura umwaka mushya w’imikino mu Rwanda 2017-18. ‘Rubavu Preseason Tournement’. Amakipe y’i Kigali yatumiwe; APR FC na AS Kigali zikomeje imyiteguro.

AS Kigali yakoze imyitozo mu gitondo cyo kuri uyu wa kabiri tariki 29 Kanama 2017 kuri stade regional ya Kigali, iyoborwa na Eric Nshimiyimana, n’abamwungirije Mateso Jean de Dieu, Ismail Kodo Nshutiyamagara n’umutoza w’abanyezamu Thomas Higiro.

Abakinnyi bayo bose bamaze gutangira imyitozo. Rutahizamu w’umunya-Uganda Frank Kalanda wagize ibyago agapfusha umwana w’imfura mu cyumweru gishize nawe yasubiye mu kazi.

Abasore b’iyi kipe bari mu ikipe y’igihugu Amavubi yasezerewe na Uganda mu gushaka itike ya CHAN 2018 izabera muri Kenya barimo; kapiteni Kayumba Soteri, Bishira Latif, Iradukunda Eric, n’umukinnyi wayo mushya Savio Nshuti Dominique bari bahawe akaruhuko nabo batangiye imyitozo, kandi barifuza gutangirira i Rubavu bagaragaza ubuhangange bwabo nkuko Umuseke wabitangarijwe na ‘Team Manager’ wa AS Kigali.

Joseph Nshimiye yagize ati: “Twatangiye imyitozo dutinze ugereranyije n’andi makipe ariko iyo tumaze gukora irahagije ku buryo bishoboka ko twakwegukana iri rushanwa ry’i Rubavu.

Ikipe irimo umwuka mwiza cyane kuko twatangiye neza imyiteguro y’umwaka mushya w’imikino. Abakinnyi bose bashya twabahaye ibyo twumvikanye byose, ibyavugwaga ko hari ibyo tutaraha Savio (Nshuti) ni ibihuha. N’abahasanzwe twari dufitiye ibirarane, twamaze kubirangiza ejo bazahaguruka i Kigali buri umwe afite amafaranga ye. Tumaze iminsi tubajyamo imyenda, ubu nibo bagiye kuyitujyamo kuko barasabwa kuduhesha intsinzi.”

Mu bakinnyi bashyizwe ku rutonde rw’abasinyirwa amafaranga bitarenze uyu munsi harimo na Ally Niyonzima wamaze kumvikana na AS Kigali ariko wari utarayisinyira ngo atangire akazi kuko miliyoni icumi (10) bivugwa yemerewe yari atarazishyikirizwa.

Savio Nshuti, Ally Niyonzima, na bagenzi babo bazakora imyitozo ejo saa 08h kuri stade regional ya Kigali, nyuma yayo saa 15h bahaguruke bajya i Rubavu.

Gahunda ya Rubavu Preseason Tournement

Kuwa kane tariki ya 31 Kanama 2017