Umuganga amaze kwica abarwayi basaga 90 mu bihe bitandukanye

Umugabo witwa Niels Hoegel wo mu gihugu cy’u Budage akurikiranyweho kwica abarwayi baje bamugana kwa muganga baje kwivuza, akaba yaragiye abica mu bihe bitandukanye abaha imiti idahuye n’indwara barwaye cyangwa akabaha ibarusha ubushobozi bityo bikabaviramo urupfu.

Uyu mugabo waje guhabwa igihano cyo gufungwa burundu, yahamijwe ibyaha by’ubugizi bwa nabi bugamije gutsemba abantu no gukora ibihabanye n’umwuga yakoraga wo kuvura abarwayi.

Amakuru ko yaba akora ibi bikorwa by’ubwicanyi, yamenyekanye nyuma y’uko abantu 2 bapfuye bari baje kwivuza, bakorerwa ibizamini bagasanga bazize imiti bahawe n’uyu muganga idahwanye n’uburwayo bwa bo.

Niels Hoegel w’imyaka 40, yakoraga ku bitaro bya Delmenhorst byegeranye n’umujyi wa Bremen. Imbere y’urukiko, yiyemerera ibyaha ashinjwa byo kwica abarwayi abateye imiti irusha cyangwa irushwa ubushobozi n’indwara barwaye, bamwe bagapfira aho cyangwa bakazagwa iwabo baratashye.

Polisi yo mu gace atuyemo ivuga ko uyu mugabo yahaga abarwayi imiti ituma mu gihe runaka umutima utekera aho gukora cyangwa amaraso agaharagarara.

Arne Schmidt, asinzwe kugenza ibyaha  muri polisi y’u Budage, avuga ko uyu mugabo akimara gutabwa muri yombi, hakozwe isuzuma ku mfu z’abantu batandukanye bagiye bagwa kuri biriya bitaro  bagasanga abagera kuri 90 bose barapfaga babanje kumunyura imbere, dore ko abenshi banapfaga mu buryo bujya gusa ariko ibyo ntibikurikiranwe.

Aya ngo amateka abaye aya mbere mu gihugu cy’u Budage, aho umunti akurikiranwaho ibyaha nk’ibi byo kwivugana abantu.

Umushinjacyaha mukuru wa Delmenhorst, Daniela Schiereck avuga ko uyu mugabo yatangiye gushyirwa mu majwi guhera muri 2005 ubwo bamwe mu baburiraga ababo kuri ibyo bitaro bavugaga ko hari umuganga utera imiti y’ingusho mu barwayi ariko ntibyitwabweho.

Muri 2007, yaje guhamwa n’ibi byaha aranafungwa ariko nyuma aza kurekurwa, kuri ubu urukiko rukaba ruvuga ko rufite ibirego 30 bifitiwe ibimenyetso ko uyu mugabo yishe abantu abateye imiti itagenewe indwara barwaye, iperereza ryo rikaba ryerekana ko amaze kwivugana abasaga 90 nubwo rigikomeje.

Kanda hano ujye ubona amakuru yihuse kandi kugihe kuri Facebook no kuri twitter

Nsengimana@Bwiza.com

from bwiza http://ift.tt/2vwTzsG
via IFTTT