Rusororo: Umusore yiyahuje ‘umuti w’inka’ nyuma yo kwiyahuza umukandara bikanga

Mu ijoro ryo kuwa Gatandatu rishyira ku Cyumweru umusore w’imyaka 29 witwa Jean d’Amour Niyitegeka yiyahuje umuti wica uburondwe bw’inka nyuma yo kugerageza kwiyahura yimanitse mu mukandara bikanga. Ibi byabereye mu mudugudu wa Kigabiro, Akagari ka Kinyana mu murenge wa Rusororo.

Umunyamabanga nshingwabikorwa w’Akagali ka Kinyana Consolée Urayeneza yabwiye Umuseke ko nyuma yo kumva iby’urupfu rwa Niyitegeka bahuruye bakajya kureba ibyabaye bagasanga agacupa k’umuti w’uburondwe hafi y’umurambo wa nyakwigendera bivugwa ko ariwo yanyonye.

Ndetse ngo basanze n’umukandara yari yabanje kugeragaza kwimanikamo bikamunanira ukiri aho yari yawumanitse.

Urayeneza avuga ko Nyina wa nyakwigendera witwa Mukandekezi yabwiye ubuyobozi ko basanze umuhungu we yari yasinze cyane.

Yemeza ko  bagerageje kumurutsa bakoresheje amata ariko biranga kuko uburozi bwari bwivanze n’inzoga kandi bwamaze kumwica.

Kugeza ubu icyateye nyakwigendera kwiyahura ntikiramenyekana neza ariko hari amakuru atangwa na bamwe mu batuye Kigabiro avuga ko hari amakimbirane ashingiye ku mitungo yari afitanye na bamwe mu bavandimwe be.

Agacupa karimo umuti wica uburondwe bw’inka bivugwa ko ariwo Niyitegeka yiyahuje

Uriya mukandara bivugwa ko ariweo Niyitegaka yabanje kugerageza kwimanikamo biranga

Jean Pierre NIZEYIMANA

UMUSEKE.RW

from UMUSEKE http://ift.tt/2wCnzHG