Gor Mahia FC ikomeje kuyobora urutonde rwa shampiyona ya Kenya ibifashijwemo n’abakinnyi b’abanyarwanda. Kuri iki cyumweru tariki 27 Kanama 2017 Kagere Meddy yatsinze igitego cyatumye banganya na AFC Leopards 1-1.
Meddy Kagere ahesheje Gor Mahia amahirwe y’igikombe cya shampiyona
Nyuma yo kunanirwa gutwara igikombe cya shampiyona y’umwaka ushize (Kenya Premier League 2016) cyegukanywe na Tusker FC, uyu mwaka noneho Gor Mahia FC iri kwitwara neza kuko iyoboye urutonde rwa shampiyona irusha amanota arindwi iziyikurikiye.
Ni nyuma yo kunganya 1-1 na mukeba basangiye umujyi AFC Leopards 1-1 mu mukino bita ‘Mashemeji Derby’ uhuza abahora bahanganye mu mujyi wa Nairobi.
Uyu mukino AFC Leopards niyo yawutangiye neza ifungura amazamu ku munota wa 19 ku gitego cyatsinzwe na Samuel Ndung’u ku burangare bwa ba myugariro ba Gor barimo kapiteni wayo Musa Mohammed.
Bidatinze ku guhererekanya neza kw’abasore bazwi muri ruhago y’u Rwanda; myugariro w’iburyo Nizigiyimana Karim Makezi, na rutahizamu Jacques Tuyisenge, habonetse igitego cyo kwishyura cyatsinzwe na Meddy Kagere.
Roben NGABO
UMUSEKE
from UMUSEKE http://ift.tt/2xExqtl
No comments:
Post a Comment