Itegeko nshinga rya Repubulika y’u Rwanda mu ngingo ya 116 rivuga ko Minisitiri w’Intebe atoranywa, akanashyirwaho kandi avanwaho na Perezida wa Repubulika.Minisitiri w’Intebe ashyirwaho bitarenze iminsi 15nyuma y’irahira rya Perezida wa Repubulika.
Iminsi isabwa ngo Perezida Paul Kagame ashyireho Minisitiri w’Intebe iragerwa ku mitwe y’intoki. Uhereye igihe yarahiriye, tariki ya 18 Kanama 2017. Ni ukuvuga ko hasigaye iminsi ine.
Amakuru ari kunugwanugwa ni uko Minisitiri w’Intebe ashobora gushyirwaho uyu munsi, ku wa Mbere tariki ya 28 Kanama 2017.
Nyuma hakazashyirwaho n’abandi bagize Guverinoma. Itegeko nshinga rigena ko abandi bagize Guverinoma bashyirwaho na Perezida wa Repubulika amaze kugisha inama Minisitiri w’Intebe. Nabwo bikorwa mu gihe kitarenze iminsi 15 ashyizeho Minisitiri w’Intebe.
Muri Guverinoma irimo haranugwanugwamo impimduka ndetse no mu myanya yo hejuru.
Minisitiri w’Intebe ugiyeho, asoma amazina y’abagize Guverinoma nyuma yo kurahirira inshingano aba ahawe.
Amateka ya Minisitiri w’Intebe mu Rwanda
Amateka ya Minisitiri w’Intebe mu Rwanda atangirana n’ubwigenge bw’u Rwanda. Uwa mbere mu mateka yabaye Gregoire Kayibanda, hari tariki ya 28 Mutarama 1961 ashyirwaho n’abahutu bari bishyize hamwe. Biciye mu matora banashyizeho Mbonyumutwa Dominique nka Perezida wa Repubulika.
Kayibanda yabaye Minisitiri wa mbere kuva mu 1960 kugeza mu 1962.
Uyu mwanya yaje kuwuvaho ntiwongera kubaho, kugeza mu 1991. Ubwo hajyagaho Sylvestre Nsanzimana washyizweho mu gihe cy’inkundura y’amashyaka menshi.
Nsanzimana yabaye Minisitiri w’Intebe kuva tariki ya 12 Ukwakira 1991 kugeza ku ya 2 Mata l 1992. Yavanyweho n’abayoboke b’amashyaka bashyigikiye ubutegetsi bwa Habyarimana Juvenal bwatotezaga abatutsi muri icyo gihe.
Umwanya we wahise ujyaho Dismas Nsengiyaremye wavutse mu 1945. Uyu yabaye Minisitiri w’Intebe kuva tariki ya 2 Mata 1992 kugeza ku ya 18 Nyakanga 1993. Uyu yahungiye mu Bubiligi.
Yavuyeho asimburwa na Uwiringimana Agathe wabaye Minisitiri w’Intebe kuva ku ya 18 Nyakanga 1993 kugeza yishwe ku ya 7 Mata 1994.
Yasimbuwe kuri uwo mwanya na Jean Kambanda, wabaye Minisitiri w’Intebe wamazeho igihe gito mu mateka y’u Rwanda.
Kambanda wavutse tariki ya 19 Ukwakira 1955, yabaye Minisitiri w’Intebe wa 5 wa Repubulika y’u Rwanda hagati y’itariki ya 9 Mata na 19 Nyakanga 1994.
Nyuma ya Jenoside yakorewe Abatutsi mu 1994
Nyuma y’iyi Jenoside yahitanye inzirakarengane zisaga miliyoni, FPR Inkotanyi ikimara kubohora u Rwanda yashyizeho Faustin Twagiramungu nka Minisitiri w’intebe wa mbere, nyuma y’ayo mateka akarishye.
Twagiramungu yabaye Minisitiri w’Intebe kuva 1994 kugeza mu 1995 yeguye. Ubu aba mu Bibiligi.
Izi nshingano zahize zihabwa Pierre-Célestin Rwigema wabaye kuri uyu mwanya kuva mu 1995 kugeza mu 2000.
Guverinoma nshya yo muri 2014
Uyu yasimbuwe na Bernard Makuza kuva mu tariki ya 8 Werurwe 2000 kugeza ku ya 6 Ukwakira 2011.
Makuza yasimbuwe na Dr Pierre-Damien Habumuremyi wabaye kuri uyu mwanya kuva tariki ya 7 Ukwakira 2011 kugeza ku ya 23 Nyakanga 2014.
Abanyamabanga ba Leta 2014
Yasimbuwe kuri uyu mwanya na Anastase Murekezi wavutse tariki ya 15 Kamena 1952. Uyu muyobozi wize muri imwe muri kaminuza zikomeye ku Isi (Louvain-La-Neuve) aho yize ibijyanye n’ubuhinzi, yagizwe Minisitiri w’Intebe kuva tariki ya 23 Nyakanga 2014 kugeza uyu munsi. Yagize kuri uyu mwanya yari asanzwe ari Minisitiri w’Abakozi ba Leta n’ Umurimo.
Zimwe mu mpinduka zagiye ziba
Abaminisitiri muri Guverinoma yavuguruwe muri Mata 2004
Nyuma yo gutorerwa kuyobora u Rwanda ku nshuro ya mbere, Perezida Kagame yashyizeho Guverinoma igizwe n n’Abaminisitiri 18, n’abanyamabanga ba leta 11. Yashyizweho tariki ya 19 Ukwakira 2003. Icyo gihe Minisitiri w’Intebe yari Bernard Makuza.
Abanyamabanga ba leta muri 2004
Muri manda ya kabiri ya Perezida Kagame, tariki 14 Nzeli 2010, yashyizeho abaminisitiri 21 n’ abanyamabanga ba Leta 8.
Bamwe mu bari bayigize barimo Minisitiri w’Intebe, Makuza Bernard, uw’ ububanyi n’ amahanga yabaye Louise Mushikiwabo,uw’ Ingabo aba Gen James Kabarebe. Icyo gihe kandi uw’Ubutegetsi bw’ igihugu amajyambere rusange n’ imibereho myiza y’ abaturage yabaye James Musoni, uw’ Ubutabera aba Tharcisse Karugarama…..
Minisitiri w’Intebe Bernard Makuza yasimbuwe na Dr Pierre-Damien Habumuremyi tariki ya 7 Ukwakira 2011. Yashyizeho Guverinoma ubwo yarahiraga. Hari nyuma y’umunsi umwe atorewe izo nshingano.
Abaminisitiri bane nibo bakiri muri Guverinoma nshya yashyizweho na Perezida Kagame, ubwo yarahiraga bwa kabiri kuyobora Guverinoma muri Nzeri 2010.
Abo ni Minisitiri w’Intebe Anastase Murekezi, Gen. James Kabarebe ,James Musoni na Louise Mushikiwabo. Iyi guverinoma yaje kuvugurwa mu Kwakira 2011, aba baminisitiri bagumamo.
Minisitiri w’Intebe Anastase Murekezi kandi afite agahigo k’uko ari we ukiri muri Guverinoma nka Minisitiri, wari no mu yagiyeho kuwa 28 Nzeri 2004. Icyo gihe yagizwe umunyamabanga wa leta muri Minisiteri y’Ubucuruzi, inganda, iterambere ry’ishoramari, ubukerarugendo n’amakoperative, ushinzwe inganda n’iterambere ry’ishoramari.
Dr Diane Gashumba
Kuva u Rwanda rwabona ubwigenge, umugore umaze kuba Minisitiri w’Intebe ni umwe[. Hari abavuga ko hari impinduka zitezwe muri Guverinoma nshya, cyane ku bijyanye n’imyanya ishobora guhabwa abagore.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/bwiza.com
from bwiza http://ift.tt/2iDnRrP
via IFTTT
No comments:
Post a Comment