Ishyaka FOREBU rirwanya ubutegetsi bw’u Burundi, kuri uyu wa 27 Kanama 2017 ryahinduye izina ryitwa FPB (Forces Populaires du Burundi-Urunani rw’Abanyagihugu), ritangaza abariyoboye ndetse na gahunda rifite.
Mu itangazo ryashyizwe ahagaragara bwiza.com yaboneye kopi, havugwamo ko igihe kibaye kirekire Abarundi bategereje ko amahanga, cyane cyane, ibihugu by’abaturanyi bihuriye muri EAC, abatabara ariko amaso yaheze mu kirere.
Ngo niyo mpamvu muri iki gihe bafashe ingamba zo kwirwanaho nk’Abarundi kuko ngo akimuhana kaza imvura ihise, bakaba bagiye inama nk’abagize ishyaka bagafata ibyemezo bidasanzwe.
Icya mbere, ngo kubera impamvu zijyanye no gutunganya neza ibikorwa by’ishyaka kandi bashingiye ku bibazo ishyaka ryagiye rihura nabyo kuva ryavuka mu 2015, hafashwe ibyemezo byo guhindura izina ry’ishyaka no mu buyobozi bwaryo.
Icya kabiri, ni uko kuva kuwa 27 Kanama 2017, ishyaka FOREBU ryiswe FPB (Forces Populaires du Burundi-Urunani rw’Abanyagihugu).
Naho icya gatatu, Umukuru w’ishyaka akaba ari Gen. Major Jeremie Ntiranyibagira naho umwungirije akaba ari Col. Eduard Nshimirimana.
Iri shyaka rikaba ryakomeje ribwira Abarundi n’amahanga ko rigiye gutegura ibikorwa byose bishoboka bigamije kugarura amahoro n’umutekano ku barundi bose n’abanyamahanga baba mu Burundi, rikazabikora rishyira imbere uburenganzira bw’abaturage bose no kurinda ibyabo, risaba amahanga cyane cyane ibihugu byo mu karere kumva ibi byemezo byafashwe, ndetse risaba ko nta wuzagerageza gufasha ubutegetsi buriho mu Burundi ngo burimo kumena amaraso y’Abarundi bwari bushinzwe kurengera.
Iri shyaka kandi ryahamagariye abasirikare n’abapolisi bose banze amategeko mabi n’ubutegetsi bwa Nkurunziza aho bari hose, kwitaba umuhamagaro wa FPB mu kwegerana no gushyira ingufu zabo zose hamwe bagatabara igihugu.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
from bwiza http://ift.tt/2iDeIj1
via IFTTT
No comments:
Post a Comment