Myugariro w’ikipe y’igihugu Amavubi yatangaje ku mugaragaro ko yasinyiye APR FC imyaka ibiri y’amasezerano. Ngo yishimiye kujya muri iyi kipe izakina CAF Confederation Cup kuko bishobora kumuhesha amahirwe yo gusubira gukina hanze.
Ombolenga Fitina yakurikiranye imyitozo ya bagenzi be
Imyitozo ya APR FC yo kuri uyu wa kabiri tariki 29 Kanama 2017 yakurikiranywe n’abatandukanye barimo n’umukinnyi wayo mushya, myugariro w’iburyo Fitina Ombolenga.
Uyu musore waherukaga gukina mu Rwanda muri Kiyovu sports muri Kamena 2016. Nyuma yaciye mu bihugu bitandukanye birimo Slovakia na Espagne ariko byarangiye i Burayi bitagenze neza afata umwanzuro wo kugaruka mu Rwanda.
Ombolenga wahawe miliyoni umunani za recruitement n’umushahara w’ibihumbi 500 frw azatangira akazi kuri uyu wa gatatu tariki 29 Kanama 2017. Kuri uyu wa kabiri yabanje gukurikira imyitozo ya bagenzi be bazakinana umwaka utaha w’imikino.
Nyuma y’iyo myitozo yagize ati: “Nishimiye cyane ikipe yanjye nshya. Ngiye gusubira mu bihe byiza kandi nta gishimisha umukinnyi nkabyo. Ni ikipe nshya ngiyemo. Nyijyanyemo ingamba nshya kuko ari ubuzima bushya. Gusa bamenye ko nanjye ndi Ombolenga mushya. Nabwira abo tuzahangana ngo banyitege.
Ngiye muri APR FC nanze izindi zanshakaga hano mu Rwanda kuko yo izasohoka. Bizamfasha kwigaragaza ku rwego mpuzamahanga kuko nifuza kuzongera kujya gukina hanze, ariko ku rwego rusumba urwo nakinagaho muri Slovakia.”
Fitina Ombolenga yahawe numero 15 ariko umwanzuro nufatwa ko Bizimana Djihad azaguma mu Budage, azasaba ko yahabwa numero umunani (8) kuko ariyo yambaraga no muri Kiyovu sports.
Abasore baritegura gutangira irushanwa rya Rubavu pre season tournement kuri uyu wa kane
Ombolenga Fitina yahawe num 15
Kapiteni wa APR FC Ngabo Albert ashobora kongera kubura umwanya kubera Imanishimwe na Ombolenga
Blaise Itangishaka 16 wari umaze igihe mu mvune nawe yiteguye umwaka mushya
Roben NGABO
UMUSEKE.RW
from UMUSEKE http://ift.tt/2gnuUEk
No comments:
Post a Comment