Mu gihe cy’imyaka 22, Umuforomokazi yaguranye impinja zigeze ku 9000.
Uyu ni Umuforomokazi, Marine G. wayogoje ibitaro bitandukanye byo mu Bufaransa ; mu gihe cy’imyaka 22, agurana impinja zikivuka, ariko nkuko bivugwa ngo iminsi y’umujura iba 40, uyu muforomokazi yaje gufatwa ubu akaba ari imbere y’ubucamanza.
Inkuru yabaye kimomo mu bitangazamakuru bitandukanye byo mu gihugu cy’U Bufaransa, kandi koko ni mu gihe kuko amarorerwa y’uyu muforomokazi yakoze ku miryango ibihumbi byo muri iki gihugu.
Marine rero ngo yakoraga uko ashoboye kose akareba mu rihumye ababyeyi bakibyara, mu gihe barangaye gato akaba abaguraniye impinja.
Yari yarabanje kujya akekwa.
Ababyeyi bamwe bari baratangiye kugira amakenga kuri uyu muforomokazi, ibyo akaba aribyo byaje guhagurutsa polisi igatangira gukora iperereza. Nkuko umwe mu babyeyi waguraniwe umwana abitangaza, ngo umunsi Marine amuguranira umwana yabigizeho amakenga:” Mu gihe bangaruriraga uruhinja barukuye munsi y’urumuri rw’itara baruvura, nabajije impamvu umwana banzaniye yari yagize imisatsi yabaye miremire kurushaho.Marine mu kunsubiza yambwiye ko ibyo byatewe n’imirasire y’urumuri bamumuritseho.” Uwo mutangabuhamya akomeza agira ati:”Nari nkiri muto, nizeraga abaganga, niyo mpamvu nicecekeye. Numvaga naba nisekesheje mubajije nti’Wizeye ko ari uwanjye koko?’” Nyuma y’imyaka 4 uyu mubyeyi ntarabona umwana we.
Polisi ubu iratangaza ko igiye kujya yoherereza buri muryango urebwa n’iki kibazo sms bitewe nuko itashobora gukoresha ubundi buryo bukwiye, bitewe n’umubare wabo
Uyu muforomokazi, ngo ibi bikorwa bye yabikoze mu migi itandukanye y’Ubufaransa bitewe nuko yakurikiraga umugabo we uko babaga bamwimuye. Iyi migi yakozemo ni iyi. Paris, Lille, Marseille, Toulouse,Clermont-Ferrand.
Imiryango yaba yarabyariye muri umwe muri iyi migi guhera 1995, yaba yarabaweho n’iki kibazo.
MITALI Adolphe.
from .::Urubuga rwa mbere rwa Gikiristo - www.isange.com ::. | WebRwanda.com http://ift.tt/2txWtkf
via IFTTT
No comments:
Post a Comment