Igihe: Inama Nkuru y’Abaporotestanti mu Rwanda (CPR) yishimiye bikomeye igihembo yahawe na RGB cyiswe “Nk’Uwikorera”

Inama nkuru y’abaporotestanti mu Rwanda (CPR)kuri uyu wa kane tariki ya 20/7/2017 nibwo yasoje umwiherero wamaze iminsi 2 ubera i Kigali kuri Dove Hotel aho wigirwagamo ibintu bitandukanye birebana n’amatorero awuhuriyemo.

Mu gihe hasozwaga uyu mwiherero, Musenyeri Birindabagabo unakuriye iyi nama yamurikiye abashumba b’amatorero igihembo CPR yahawe n’ikigo cy’igihugu gishinzwe imiyoborere RGB kuwa 17/07/207 muri Kigali Serena Hotel. Ibi bihembo byatanzwe binyuze muri gahunda ya “Nk’Uwikorera” byahawe abantu ndetse n’ibigo byagiye bifasha iki kigo gushishikariza abaturage kwakira neza ababagana.

Musenyeri Birindabagabo asobanura iby’iki gihembo

Ubwo isange.com yavuganaga na Bishop Birindabagabo Alex imubaza uburyo bakiriye iki gihembo, yasubije ko ari iby’agaciro gakomeye kuri bo kubera ko bakiriye iki gihembo. Yongeyeho ko gushimirwa uburyo batanze umusanzu wo kwigisha abanyarwanda by’umwihariko abayoboke babo uburyo bakira nez ababagana byabongereye imbaraga muri ubu bukangurambaga cyane ko basanzwe bakorana neza n’uru rwego. CPR yatangiye gukorera mu Rwanda mu 1963, itangirana n’amatorero 4 y’abaporotestanti, kuri ubu ikaba ifite Radiyo ya Gikristo yitwa Inkoramutima.