Umukinnyi wo hagati wugarira Maombi Jean Pierre yasubiye muri Kiyovu sports yakiniye muri 2013. Yayisinyiye amasezerano y’imyaka ibiri avuye muri Musanze FC.
Maombi Jean Pierre (ibumoso) wari muri Musanze FC yasinyiye Kiyovu sports
Mu ijoro ryo kuri uyu wa gatatu tariki 26 Nyakanga 2017 nibwo Kiyovu sports yarangije ibiganiro inasinyisha umukinnyi wa mbere Maombi Jean Pierre wakinaga muri Musanze FC.
Iyi kipe yamanutse mu kiciro cya kabiri bivugwa ko isinyishije Maombi imuhaye miliyoni eshatu za ‘recruitement’ n’umushahara w’ibihumbi 300 frw.
Nyuma y’uyu musore wambaraga ‘numero’ 5 muri Musanze, Kiyovu sports irifuza Mugheni Fabrice wahoze muri Rayon sports, Mbogo Ally wakiniye Espoir FC na Serumogo Ally wa Sunrise FC. Bashobora kuzatozwa na Cassa Mbungo Andre.
Nubwo yari yamanutse mu kiciro cya kabiri ikizere cyo kuguma mu kiciro cya mbere kuri Kiyovu sports gikomeje kwiyongera kuko hari amakuru yemeza ko Isonga FC yari yatsindiye itike yo kuzamuka mu kiciro cya mbere ishobora guseswa.
Maombi Jean Pierre asubiye muri Kiyovu sports yakiniye muri 2013 nyuma ajya muri Gicumbi FC yavuyemo ajya muri Musanze FC yari amazemo imyaka ibiri kuko yayisinyiye mu mpeshyi ya 2015.
Roben NGABO
UMUSEKE
from UMUSEKE http://ift.tt/2h5dpZh
No comments:
Post a Comment