Umugabo witwa Butera Zackarie utuye mu Kagari ka Rwimishinya mu Murenge wa Rukara mu gitondo cyo kuri uyu wa Gatatu, itariki 26 Nyakanga 2017, yatemye umugore we arangije yishyikiriza station ya Polisi ya Rukara avuga ko yishe umugore. Kubw’amahirwe ariko umugore ntiyapfuye.
Butera Zackarie ubu uri maboko ya Polisi yari asanzwe afitanye amakimbirane na Ugirigihozo Christine w’imyaka 40 bari bafitanye abana 5 ariko bamaze iminsi batabana mu nzu.
Kuri uyu wa gatatu ariko ahagana saa 6:30za mugitondo, yamusanze mu murima amutemesha umuhoro ku kuboko maze amutemesha na macaku mu mutwe ahita ajya kuri Polisi kwirega ko yishe umugore we.
Abaturage bahise bajyana Ugirigihozo ku kigo nderabuzima cya Rukara ariko bamwohereza ku bitaro bya Gahini aho ari kwitabwaho n’abaganga.
Umuvugizi wa Polisi mu Ntara y’Iburasirazuba, IP Dusabe Jean Bosco, yemeje ayo makuru.Yagize ati: “Nibyo yamutemye akoresheje macaku amaze kumutema yijyanye kuri Polisi kuko yari azi ko yamwishe ariko nubwo yamukomerekeje cyane arimo kuvurirwa ku bitaro bya Gahini ,bari basanzwe bafite amakimbirane ndetse bari bamaze iminsi batabana yamusanze aho yahingaga.”
IP Dusabe arasaba abaturage kujya batanga amakuru mu gihe hari aho babonye ibiyobyabwenge kuko bifitanye isano n’ubwicanyi bwo mu miryango.
Yagize ati: “Abaturage turabasaba kujya batanga amakuru ku hari ibiyobyabwenge kuko uriya ashobora kuba aribyo yari yafashe kuko umuntu wagiye guhiga umuntu wari waramuhunze akagomba kumusanga mu murima ahinga bigaragara ko ahanini biterwa n’ibiyobyabwenge, igihe batanze amakuru bituma dukumira icyaha kitaraba.”
Butera nahamwa n’icyaha azahanishwa igifungo cya burundu kuko yamutemye agambiriye kumwica.
Amakimbirane mu miryango mu Ntara y’Iburasirazuba ahanini aterwa n’ubusinzi ndetse no gushinjanya ubusambanyi hagati y’abashakanye.
Kanda hano ujye ubona amakuru yihuse kandi kugihe kuri Facebook no kuri twitter
Ngabonziza Justin
from bwiza http://ift.tt/2h2MwVW
via IFTTT
No comments:
Post a Comment