Igihe umukinnyi wa Rayon Sports Tediane Kone azagerera mu Rwanda ntikiramenyekana

Abakinnyi 2 muri 3 b'ikipe ya Rayon Sports baturuka hanze y'u Rwanda ntibaragera mu Rwanda ngo batangire imyitozo n'abandi, ni Nahimana Shassir na Tediane Kone, Kone we bikaba bitazwi igihe azagerera mu Rwanda.

Kwizera Pierrot nawe akaba yari umwe muri aba bakinnyi baturuka hanze y'u Rwanda we akaba yarageze mu Rwanda ku munsi w'ejo kuwa Kabiri ndetse akaba azatangira imyitozo kuwa Kane, ni mu gihe mwene wabo w'umurundi Nahimana Shassir we ari bugere mu Rwanda kuri uyu wa Gatatu ndetse Kone we bikaba bitazwi igihe azagerera mu Rwanda nk'uko umutoza wungirije w'iyi kipe Katawuti yabitangarije Makuruki.

Ati " Pierrot yaraye ageze mu Rwanda ariko ntago yakoze imyitozo kuko yarakinanniwe akaba azatangira ku munsi w'ejo(kuwa Kane), Shassir aragera mu Rwanda uyu munsi urumva ko azatangira imyitozo ejobundi(kuwa Gatanu), Kone ntago nzi igihe azagerera mu Rwanda kuko ategereje ko ubuyobozi bwa Rayon Sports bumwoherereza itike."

Iyi kipe yatangiye imyitozo ejo kuwa Kabiri ikaba irimo kwitegura umukino wa Gishuti n'ikipe ya Simba ku itariki ya 8 Kanama 2017 umukino uzabera Tanzania.

from Makuruki.rw | Amakuru Asesenguye! http://ift.tt/2uANa07
via IFTTT