Theo Bosebabireba wigeze gukorana indirimbo na Amag-The Black yavuze ko n'ubwo hatekwa ibuye rigashya atakongera gukorana n'abahanzi b'abaraperi kuko n'ubundi ngo nta nyungu abibonamo, kandi n'ibyigeze kubaho ubwo yakoranaga na Amag ngo abifata nk'impanuka yamubayeho.
Mu kiganiro yagiranye na Imirasire, yavuze ko yahuye n'ibyago bikomeye cyane ubwo yakoranaga indirimbo na Amag bikamutera no guhagarikwa mu Itorero mu gihe runaka, ariko nyuma akaza kongera kubabarirwa akongera agasubizwa ku mirimo ye mu itorero.
Usibye n'abaraperi kandi yavuze ko nta n'umuhanzi uririmba indirimbo zisanzwe yakorana na we, kuko nta nyungu abibonamo habe namba.
Theo Bosebabireba yanavuze kandi ku bijyanye no kuba agiye gushyira izindi ndirimbo nyinshi hanze kandi akaba ashaka no gukora ibitaramo byinshi byo guhimbaza kuko ngo ashaka kwiyegereza Imana cyane muri iyi minsi.
Yatangarije Imirasire kandi ko impamvu nyamukuru atari kuboneka muri iyi minsi ari uko ari mu bikorwa byo kwamamaza umukandida w'ishyaka rya FPR-Inkotanyi, ariko nyuma yaho akaba avuga ko ari bwo azakora ibyo bikorwa bindi yatangaje haruguru.
Emmanuel Habiyakare
from Imirasire.com | WebRwanda.com http://ift.tt/2uCkcgx
via IFTTT
No comments:
Post a Comment