Jay Polly avuga ko nyuma y'amatora y'Umukuru w'igihugu azahita ashyikiriza ikirego cye inzego z'ubutabera, asaba ko Mutesa yaryozwa amagambo yamuvuzeho amusebya, avuga ko umugore we yamushyize mu icupa ngo ku buryo iyo arikomyeho hago, uwo muhanzi ahita ata ibyo yarimo akora agataha ikubagahu.
Mu kiganiro yagiranye na Imirasire, Jay Polly yabajijwe iby'agatotsi kari hagati ye n'umugore we, aho bivugwa ko yamushyize mu icupa, bityo ngo iyo atinze gutaha uwo mugore akomanganya icupa, maze ibyo Jay Polly yari arimo akabihagarika bitarangiye agataha.
Jay Polly ahakana ko ibyamuvuzweho by'uko umugore yamushyize mu icupa, akavuga ko ibyo ari ibinyoma ko nta marozi aba mu rugo rwe kuko ari umukirisitu.
Ati “Umuntu ajya ahongaho akavuga amafuti aba agamije iki? Hari icyo bimariye abanyarwanda ?....ababikoze birukanywe ku kazi n'uko mpugiye muri kampanye n'aho ubundi ibi bintu bigomba gusubirwamo kugira ngo n'undi uwo ari we wese atazigera akina ku muntu avuga ibyo yishakiye.”
Umunyamakuru yamubajije niba nyuma ya kampanye azasubukura ikirego, maze Jay
Polly asubiza agira ati “ Umunyamategeko wanjye yitwa Dimetier, ariho arabikurikirana. Nyuma y'aha ngaha ndashaka kugira ngo ntange isomo kugira ngo n'undi uwo ari we wese atazakina n'izina umuntu yubatse bigoranye. Ni umuryango wanjye uri kuvugwa ariko si wo gusa nanjye uba wanyatatse, ni yo mpamvu ngomba kubikurikirana.”
Yakomeje avuga ko ababikoze bose basabye imbabazi, ariko ngo "Ni uruhurirane rw'abantu", akanatunga agatoki bamwe muri bo.
Ati “Nyiri ikinyamakuru Touch ni we uri inyuma y'ibi. Twabanye mu nzu itunganya umuziki Touch Record ayikuriye. Touch Record nayibayemo nza kuyivamo ariko ntibyamushimisha kuko njye nari umwe mu bahanzi bamwinjirizaga amafaranga menshi. Njye narebaga icyo amfasha nsanga ntagihari. Nsanga nta video nta audio. Uwo yitwa Mutesa ni nawe nyiri Touch Record.”
Yakomeje avuga ko umunyamategeko we agiye gukomeza gukurikirana iki kirego kugira ngo hatangwe isomo ku muntu wese ushobora gusebya umuhanzi uko yishakiye.
Imirasire.com yashatse kumenya icyo nyiri Touch record abivugaho ntibyashoboka kuko atitabaga telefoni. Yoherejwe kandi ubutumwa bugufi na bwo ntiyabusubiza.
Jay na none yavuzweho kwambura amafaranga umwana ucuruza mituyu. Ngo Touch Record ikaba iri inyuma y'ibi bikorwa byose bimusebya kuko byasohotse mu kinyamakuru cyayo.
Nkindi Alpha
from Imirasire.com | WebRwanda.com http://ift.tt/2uCwSns
via IFTTT
No comments:
Post a Comment