Ku wa gatanu tariki 7 Nyakanga, nibwo Komisiyo y’amatora mu Rwanda yashyize ahagaragara urutonde ntakuka rw’abakandida bemerewe guhatanira umwanya w’umukuru w’igihugu. Bose ni abagabo bubatse, ariko bafite ibigwi binyuranye mu buyobozi, mu bumenyi no mu mirimo.
Abandida 3 ni bonyine bujuje ibisabwa, ndetse ubu batangiye kwiyamamaza mu ruhame, aho begera abaturage mu ntara n’uturere tunyuranye.
Abo ni Kagame Paul usanzwe ayobora u Rwanda, akomoka mu ishyaka rya FPR Inkotanyi, Dr Habineza Frank ayobora ishyaka riharanira Demokarasi no kurengera ibidukikije, ndetse na Mpayimana Philippe umukandida wigenga wageze mu Rwanda vuba azanywe no kwiyamaza.
Ese aba bemerewe ni bantu ki, bafite ibihe bigwi?
Turakugezaho ibigwi bya buri umwe, mu bahatanira kuyobora u Rwanda mu myaka 7 iri imbere nk’uko biteganywa n’itegeko nshinga rya repubulika y’u Rwanda. Aka kanya tukaba tugiye guhera ku mu kandida wigenga Mpayimana Philippe.
Kandida Perezida Mpayimana Philippe
Yavutse mu 1970, mu ntara y’amajyepfo. Yize itangazamakuru mu gihugu cy’Ubufaransa, nyuma arikorera mu Rwanda kuva mu 1990. Yashinze Ishyirahamwe ryitwa Tuza rigamije guhuza abatuye mu bihugu byo mu biyaga bigari.
Yabaye umwarimu w’isomo ry’amateka n’ubumenyi bw’isi mu gihugu cy’ubufaransa mu 2013, aho yabaye imyaka igera kuri 13, akahava agana mu rwamubyaye ngo ahatanire kuruyobora. Gusa umuryango we uracyari mu Bufaransa.
umukandida wigenda, Mpayimana Philipe yatangiriye ibikorwa byo kwiyamamaza mu ntara y’Uburasirazuba
Mu ntangiriro ntiyabashije kuzuza ibisabwa na komisiyo y’igihugu y’amatora (NEC) ku gihe, ariko itariki ntarengwa yageze amaze kuzuza imikono y’abantu 600 bamusinyiye nk’uko byasabwaga.
Mpayimana ni umuhanga nk’uko byemezwa na bamwe mubo biganye, kandi ngo yaranzwe n’inyota yo kuyobora kuva kera.
Ikindi ubuhanga bwe bugaragarira mu bitabo yandika, nka:
“Réfugiés rwandais entre marteau et enclume »(Impunzi z’abanyarwanda hagati nk’ururimi)
« La rue de la vie »(Inzira y’ubuzima), Ibisigo
« Rwanda, regard d’avenir »(Imbere h’u Rwanda), na
« Indi ntambwe », yanditse umwaka ushize, ari nacyo agaragarizamo inyota yo gugihindura u Rwanda amaze kurubera umuyobozi.
Amaze kwemererwa kwiyamamaza, yatangaje ko intego ye ari: « Ugukangurira abantu kudatinya politiki ».
Mu magambo ye kandi, agira ati:” urugamba rwa Demokarasi abanyarwanda twaruhariye umuntu umwe nyamara ntibikwiye ko tumutererana aho rukomeye”, akanongeraho ko u Rwanda rutabyaye ikinege, bidakwiye kuvunisha umuntu umwe.
Abakandida perezida bahatanira kuyobora u Rwanda
Onesphore Dushimirimana
from .::Urubuga rwa mbere rwa Gikiristo - www.isange.com ::. | WebRwanda.com http://ift.tt/2txI7jI
via IFTTT
No comments:
Post a Comment