Frank Habineza, umukandida w'Ishyaka Riharanira demokarasi n'ibidukikije yijeje abaturage bo mu Karere ka Gisagara ko naramuka atorewe kuyobora u Rwanda azabyutsa umubano w'u Rwanda n'u Burundi.
Yabitangaje kuri uyu wa Gatanu ubwo yiyamamarizaga mu murenge wa Musha mu Karere ka Gisagara gahana imbibi n'igihugu cy'u Burundi.
Umubano w'ibihugu byombi watangiye kuzamo agatotsi kuva muri Mata 2015 ubwo mu Burundi havukaga imvururu zishingiye ku matora.Icyo gihugu cyashinje u Rwanda kugira uruhare muri izo mvururu, rwo rukabyamaganira kure.
Habineza yavuze ko kuba abanya-Gisagara batagihahirana neza n'abaturanyi babo b'i Burundi bibagiraho ingaruka kubw'ibyo ngo natorwa azaharanira ko uwo mubano ugaruka maze abaturage bakongera guhahirana.
Habineza kandi yijejeje abatuye Musha kubakorera umuhanda uva I Save ukanyura mu murenge wa Musha ugakomeza ukabahuza n'Intara ya Ngozi mu Burundi.
Nyuma yo kwiyamamariza mu Karere ka Gisagara, Habineza arakomereza mu Karere ka Ruhango mu Ntara y'Amajyepfo.
from Makuruki.rw | Amakuru Asesenguye! http://ift.tt/2uQ2hWe
via IFTTT
No comments:
Post a Comment