Ikipe y'u Rwanda y'abangavu bakina Beach Volleyaball basesekaye i Kigali bakubutse muri Bahamas aho bari bitabiriye imikino y'abana bo mu bihugu bikoresha ururimi rw'Icyongereza (Commonwealth Youth Games - Bahamas 2017), aho bakuye umwanya wa gatatu.
Ku kibuga cy'indege cya Kigali, abo bangavu ndetse n'abari babaherekeje basanganiwe n'Umuyobozi wungirije wa Komite Olempike, Rwemalika Félicité wari kumwe n'abo mu miryango y'abo bana, ndetse n'abo mu makipe basanzwe bakinamo tutibagiwe n'inshuti zabo.
Bakiranywe ibyishimo, ndetse n'abo mu miryango yabo bari bahibereye
Abo bangavu bashimiwe umurava bagaragaje muri iryo rushanwa u Rwanda rwari rwitabiriye ku nshuro ya mbere kuva iyi mikino yatangira gukinwa, dore ko basezerewe muri ½ cy'irangiza, batsinzwe na Autralia yahise yegukana icyo gikombe.
Aba bangavu bari bari kumwe na Ernest Habiyambere ukina Tennis na we utaratashye amara masa, kuko yabashije kunguka amanota ku rutonde rw'Isi mu bakina uwo mukino, dore ko yabashije gutsinda umukino umwe muri ibiri yakinnye, aho mu ijonjora rya mbere, yatsinze Umunya Ghana wari umuri imbere, ariko agahita asezererwa mu ijonjora rya kabiri.
Penelope Musabyimana na Valentine Munezero
Muri Bahamas u Rwanda rwari ruhagarariwe mu mikino ibiri gusa (Tennis na Beach Volleyball)
Penelope Musabyimana na Valentine Munezero bakuwemo n'abanya Australia kazi
Abanyarwandakazi begukanye umwanya wa gatatu
Byarashobokaga ko n'igikombe bagitwara iyo badahura na Australia muri ½ ngo bakine na yo bananiwe kuko uwo munsi ni na bwo bari bakinnye ¼
Inshuti bakinana, abo mu miryango yabo bari bahari
Musabyimana na Munezero ndets en'Umutoza wabo
Ibigwi byabo bishobora kuzaba byinshi mu mikino nk'iyo bakubutsemo nibitabwaho bakitabira iy'abakuze
from Sports | WebRwanda.com http://ift.tt/2uXGNGA
via IFTTT
No comments:
Post a Comment