Peace Delaly Nicoue w’imyaka 11 gusa abaye uwa mbere ukoze ikizamini cy’abasoje amashuri yisumbuye muri iki gihugu cya Benin kandi akagitsinda ku manota meza cyane kuko yagize 17 kuri 20.
Ku myaka 11 yatsinze ikizamini cya Leta cy’amashuri yisumbuye
Uyu mwana w’imyaka 11 yabwiye BBC ko yishimye cyane kandi ko yasoje afite amanota 17 kuri 20 mu mibare kuko ngo ateganya kwiga amasomo y’ubukungu muri kaminuza.
Uyu mwana yakoze icyo kizamini afite imyaka 11 mu gihe abandi bagikora bafite imyaka 18 ariko we ngo yahawe uburenganzira budasanzwe na guverinoma bwo gukora icyo kizamini imyaka irindwi mbere yimyaka yemewe.
Parfait Afautou Nicoue wigisha uyu mwana akaba na se umubyara avuga ko uyu mwana yagaragaje ibimenyetso by’ubwenge budasanzwe akiri muto kuko ngo ku myaka ine gusa ngo uyu mwana yari azi kwandika neza icyongereza n’igifaransa nta makosa.
Ngo intego y’uyu mwana ni ugukomeza amasomoye mu biguhu bikoresha ururimi rw’icyongereza.
BBC
Callixte NDUWAYO
UMUSEKE.RW
from UMUSEKE http://ift.tt/2vJ3Z9a
No comments:
Post a Comment