Aline Gahongayire yabajijwe ibyo guhuza ivugabutumwa no kureberera akabari byamuvuzweho araruca ararumira

Ibi tubivuze ahanini dushaka kubihuza n'umuhanzi mu njyana zo kuramya no guhimbaza Imana Aline Gahongayire,mu minsi ishize wigeze kuvugwaho kuba yari inkingi ya mwamba mu bacunga bakanishangwa gushaka amasoko ya kamwe mu tubari duherereye iremera imbere y'irimbi ry'intwari.

Icyo gihe bisa n'ibitaramenyekanye cyane kuko wasangaga bigirwa ibanga kuko ntibyigeze bisabagira mu bitangazamakuru.

Mu gushaka kubimenya koko niba uyu mukozi w'Imana yarakanguriraga abantu kugana ako kabari kandi akabihuza no kuvuga ubutumwa bwiza haba mu buryo bw'indirimbo zo kuramya no guhimbaza kimwe no kwigisha,twagiranye ikiganiro ariko ntiyemera niba byarabayeho cyangwa ngo abihakane.

Yagize”Simbizi,simbizi!Winsubiza mu byahise kuko n'ijambo ry'Imana ntiribyemera.”

Icyokora n'ubwo yaheze mu rungabangabo ubwo yabazwaga ku byo guteza akabari imbere,ntibyamubujije kuvuga ko ubusanzwe akunda kuba ari kumwe n'inshuti ze z'abahanzi baririmba indirimbo bakunze kwita iz'isi .

Aha yatanze ingero zo kuba ari inshuti y'akadasohoka y'umuhanzikazi Butera Knowless yewe ngo na Riderman n'inshuti ya hafi dore ko ngo banakoranye indirmbo.

Aline ubusanzwe ntakunda kuganira n'itangazamakuru byimbitse cyane cyane iyo abazwa ku ruhande rw'ibimuvugwaho,ahubwo akunze kuvuga ko adafite byinshi byo kuvuga mu gihe abajijwe,aha twagaruka ku gihe havugwaga ibyo gutandukana n'umugabo we aho yakunze gutangaza ko nta byinshi afite byo kuvuga.

Gahongayire akibana n'umugabo we Gahima

Yagize ati”Uretse n'ibyo mu minsi yashije ubwo we n'abamwe muri bagenzi be baririmba indirimbo zihimbaza Imana bandikwaga na kimwe mu bitangazamakuru ko bazwiho ingeso y'ubushurashuzi,yabajijwe icyo abivugaho nyuma y'uko bari bamaze gutsinda icyo gitangazamakuru mu rwego rw'itangazamakuru ryigenzura (RMC),nabwo yanze kugira icyo avuga.

Uyu muhanzikazi yamenyekanye mu ndirimbo zitandukanye zirimo iyitwa “Nakumbuka”aherutse no gukorera amashusho,kuri ubu ngo akaba ari mu myiteguro yo kumurika album yise “New women” akavuga ko indirimbo ziyikubiyemo ari izo guhumuriza Imitima.

Ndacyayisenga Fred

from Imirasire.com | WebRwanda.com http://ift.tt/2uCnfVW
via IFTTT