Umusirikare ukomoka mu gihugu cya Tanzania uri mu bari mu butumwa bwo kubungabunga amahoro bwa Monusco muri Repubulika iharanira Demokarasi ya Congo, ku Cyumweru yarishwe naho mugenzi we arakomereka nyuma y’imirwano yabahuje n’inyeshyamba.
Biravugwa ko uyu musirikare yiciwe i Beni muri Kivu y’Amajyaruguru nk’uko byatangajwe na MONUSCO kuri uyu wa Mbere, aho yatangaje ko yari igiye gufasha mu gitero cyari cyagabwe n’abarwanyi b’umutwe wa ADF ku birindiro by’ingabo za FARDC biri mu birometero 500 uvuye ahari ibirindiro bya Monusco.
Umunyamabanga Mukuru w’Umuryango w’Abibumbye, Antonio Guterres, abinyujije ku muvugizi we, akaba yamaganye ubu bwicanyi asaba abayobozi ba Congo gutangira iperereza kugirango ababigizemo uruhare bashyikirizwe ubutabera.
Mu mwaka wa 2015, abandi baisirikare ba Tanzania babiri bari mu ngabo za Loni, biciwe mu gico bari batezwe na none n’abarwanyi b’umutwe wa ADF, abandi 13 barakomereka.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
from bwiza http://ift.tt/2xdt2T2
via IFTTT
No comments:
Post a Comment