Ministri w'ubuzima muri guverinoma ya Perezida Donald Trump yeguye ku mirimo ye ejo kuwa gatanu. Dr. Tom Price yasezeye kubera ibibazo byazamuwe n'uko yakoresheje indege zihariye yakodesheje ku mafaranga ya leta, aho gukoresha amasosiyete y'indege y'ubucuruzi asanzwe. Isaha imwe mbere y'uko yegura ejo kuwa gatanu, Perezida Trump yabwiye abanyamakuru ko atishimiye Tom Price n'ibimuvugwaho. Perezida Trump yasobanuye ko abagize leta ye bashobora gusa gukoresha indege zihenze, mu gihe baba bakoresha amafranga yabo. Deparitoma y'ubuzima y'Amerika yabwiye itangazamakuru ko byitezwe ko Tom Price azishyura amadolari arenga ibihumbi 50 ku bijyanye n'izo ngendo zihenze yakoze. Tom Price aje akurikira abandi bayobozi bakomeye beguye mu gihe kitageze umwaka Perezida amaze ayobora Leta zunze ubumwe z'Amerika.
from Voice of America http://ift.tt/2yeNMNM
via IFTTT
No comments:
Post a Comment