Nyuma y’aho itsinda TBB ry’abaririmbyi ryari rigizwe na Tino, Bob na Benjamin risenyukiye, hakomeje kwibazwa impamvu nyakuri yaba yaratumye iri tsinda risenyuka, umwe mu bagize uruhare runini mu gushinga iri tsinda uzwi nka Tino mu muziki yagize icyo abivugaho.
Ubwo yatugezagaho amashusho y’indirimbo ye nshya yitwa “Mula”, umuhanzi wahoze muri TBB, ariko usigaye uririmba ku giti cye, yagize icyo avuga ku cyatumye we na bagenzi be bahitamo guhagarika gukora umuziki nk’itsinda.
Mu kiganiro na Bwiza.com, Tino yagize ati” TBB rero, hagiye havugwa byinshi ngo twarashwanye, ndetse ngo twashwanye nabi, no, turacyari abajama, twabaye dufashe akaruhuko, buri umwe muri twe yari afite gahunda ze yagombaga kwitaho, tujya inama twese hamwe dufata umwanzuro wo kuba duhagaritse imirimo y’itsinda buri wese agakora ku giti cye.
Nta mwuka mubi muri twe rwose, hari abaketse ko amafaranga ya Guma Guma ariyo yatumye dutandukana, ariko rwose si byo baribeshya cyane, twe twafashe umwanzuro ku giti cyacu, ku bwumvikane”.
Kugeza ubu Tino amaze gukora indirimbo 3 z’amajwi, 2 muri zo nizo zifite amashusho, zirimo iyo yise ‘’Umurima”,’’ Mula” na “Mama Ritha “ yashyize hanze mu buryo bw’amajwi.
Kanda hano ubone amakuru yihuse kandi ku gihe kuri Facebook no kuri twitter
Jean de Dieu Dushimimana – bwiza.com
from bwiza http://ift.tt/2gPA9gp
via IFTTT
No comments:
Post a Comment