Mu mpera z’iki cyumweru abakunzi b’umukino wo gusiganwa mu ma modoka bararyoherwa no kubona abeza kurusha abandi muri Afurika basiganwa muri Rwanda Mountain Gorilla Rally 2017. Minisitire w’imikino Uwacu Julienne afungura ku mugaragaro iri siganwa yasabwe n’abakunzi ba Rally mu Rwanda kubatumirira perezida Kagame mu isiganwa ry’umwaka utaha.
Gakwaya avugira abakunzi ba Rally yasabye Min Uwacu kubatumirira Perezida Kagame mu isiganwa ry’umwaka utaha
Kuri uyu wa kane tariki 7 Nzeri 2017 kuri Kigali Convention Centre habaye umuhango wo gufungura ku mugaragaro isiganwa ry’imodoka mpuzamahanga ‘Rwanda Mountain Gorilla Rally 2017’ iri ku ngengabihe y’impuzamashyirahamwe y’umukino wo gusiganwa mu binyabiziga muri Afurika.
Mu birori byo kwerekana imodoka 16 zitabira iri siganwa mpuzamahanga, umuyobozi wa ‘Rwanda Automobile Club’ Gakwaya Christian yakiriye umushyitsi mukuru minisitire Uwacu Julienne ufite imikino mu nshingano.
Mu ijambo ry’uyu muyobozi, yatanze ubutumwa burimo ikifuzo cy’abakunzi ba Rally mu Rwanda.
Gakwaya Christian abwira Min.Uwacu yagize ati: “Isiganwa ryacu rigeze ku rwego rwiza. Buri mwaka twakira abakinnyi beza kurusha abandi muri Afurika, baba bahatanira umwanya wa mbere kuri uyu mugabane. Kandi twishimiye kuba waje kudushyigikira. Gusa icyo ni uko umwaka utaha wadutumirira perezida wacu (Paul Kagame) akatubera umushyitsi mukuru mu isiganwa. Tuzi ko mubifitiye ubushobozi. Kandi abakunzi ba Rally biteguye ibyo birori.”
Isiganwa riratangira kuri uyu wa gatanu tariki 8 Nzeri 2017 saa 10h mu muhanda wa Rugende – Mbandazi ku ntera ya Kirometero 20.95, bakongera bakava i Ruhanga bajya i Mbandazi ku ntera ya kirometero 14.21, iyo ntera bakayisiganwamo inshuro ebyiri.
Nyuma ya saa sita abakinnyi barongera gukina saa munani n’igice kuri stade Amahoro i Remera aho abakinnyi biyereka abafana mu gace kitwa “Super Stage”.
Ku wa Gatandatu tariki 9 Nzeri 2017 isiganwa rizakomereza i Nyamata mu Bugesera, aho guhera saa mbili za mu gitondo abazasiganwa bazava i Nyamizi bajya i Gashora (19.69kms), i Gaharwa berekeza i Nemba (11.56kms), i Gako-Gasenyi (14.41kms) ndetse na Gasenyi-Nemba (22.22kms), aha hose bakazahakora inshuro ebyiri.
Uwacu yemeye kubatumirira perezida Kagame mu mwaka utaha
Mbere yo gutangira ibirori Gakwaya Christian uyobora RAC, Min muri MINISPOC Uwacu Julienne, uhagarariye Police na Sen. Munyabagisha Valens uyobora CNOR baririmbye indirimbo yubahiriza igihugu
Skoda Fabia niyo modoka ya mbere yakorewe Rally iri muri iri siganwa, itwarwa na Manvier Baryan na Sturrock Drew ba mbere muri Afurika
Umushyitsi mukuru Min. Uwacu niwe watangije isiganwa ku mugaragaro
Ni isiganwa rizamara iminsi ibiri, ikinirwe mu turere tubiri, Gasabo na Bugesera
Leroy Gomez na Gomez Urshlla bo muri Zambia bafite Mitsubishi Evo X ba kabiri ku rutonde rwa Afurika baje guhangana mu Rwanda
Giancarlo Davite n’umufasha Slyvia Vindevogel nabo biteguye isiganwa
Roben NGABO
UMUSEKE
from UMUSEKE http://ift.tt/2f8p8Da
No comments:
Post a Comment