Urwego rw'igihugu rw'imiyoborere rwahaye imiryango itari iya Leta miliyoni 300 zo kwiyubaka mu cyiciro cya kabiri cy'iyi gahunda yatangiye mu kwezi kwa kabiri uyu mwaka.
Iyi mirynago ihabwa inkunga ni ifite imishinga yahize iyindi biciye mu ihiganwa, ku ikubitiro imishinga 200 niyo yari yabonetse yahatanaga ariko imishinga 75 niyo yagejeje ku manota hejuru ya 75 ahabwa imishinga yujuje ubuziranenge.
Ni ku nshuro ya kabiri hagiye gutangwa inkunga kuri iyi miryango 75 yatoranyijwe binyuze mu ipiganwa. Ku nshuro ya mbere imiryango 27 niyo yahawe inkunga aho buri umwe wahawe miliyoni 25 z'amafaranga y'u Rwanda.
Umuyobozi wa RGB ari na yo ikuriye iki gikorwa Prof Shaka Anasthase avuga ko bishimira ko imiryango itegamiye kuri Leta isigaye ikora imishinga itari iyoroshye.
Ati :”gahunda basigaye bashyira mu bikorwa si nka byandi twari tumenyereye by'imishinga yoroshye, urabona barimo barajya mu buhinzi, ibidukikije, gufata amazi bari muri gahunda zifatika bigaragara ko imyumvire y'uko imiryango itegamiye kuri Leta ari abafatanyabikorwa beza ntabwo twibeshye.”
Prof Shyaka avuga ko bizeye ko iyi miryango igiye gushyira mu bikorwa iyi mishinga itewe inkunga. Ati :”Turayifuriza ko ikomeza kwiyukaba igakora neza igakorera mu mucyo icyo batsindiye ni umushinga icyo tubasaba rero ni ukubishyira mu bikorwa kandi turizera ko bazabikora kuko babifitiye ubushobozi.”
Muri iki gikorwa RGB yafatanyije n'ibindi bigo na za Minisiteri harimo Minisiteri y'ubutabera, Minisiteri y'iterambere ry'umuryango, ikigo cy'igihugu cy'ibidukikije…. Undi muterankunga ni impuzamiryango ry'umuryango w'abibumbye (One UN).
Iyi gahunda yashyizweho na Leta y'u Rwanda mu rwego gufasha imiryango itari iya Leta kubaka ubushobozi bwayo.
from Makuruki.rw | Amakuru Asesenguye! http://ift.tt/2yaopN4
via IFTTT
No comments:
Post a Comment