Kuri uyu wa 27 Nzeri, Umushinjacyaha wa Repubulika ku rwego rw’urukiko rwisumbuye rwa Paris amaze kumenyesha ko mu kirego ubushinjacyaha bushinja Claude Muhayimana hari igice atazakurikirana “non-lieu partiel” , hakaba n’ikindi gice cy’ikirego ngo azakurikirana.
Claude Muhayimana tariki 13 Ugushyingo 2013 i Paris
Claude Muhayimana wavutse mu 1961 ndetse ubu akaba anafite ubwenegihugu akekwaho kugira uruhare muri Jenoside yakorewe Abatutsi ari nabyo umuryango uharanira kugeza mu butabera abakoze Jenoside yakorewe Abatutsi bihishe mu Bufaransa “Collectif des Parties Civiles Pour le Rwanda (CPCR)” yatangiye ikirego tariki 04 Kamena 2013.
Nubwo abunganira uregwa basabye kenshi ko iki kirego kitakurikiranwa, umushinjacyaha mukuru yasabye umucamanza ushinzwe gutegura urubanza ko yakwemeza ko hari impamvu zo kugira ikirego gikurikiranwe. Kugira ngo kijya mu rukiko rw’i Paris.
Alain GAUTHIER, Perezida wa CPCR ati “Tubabajwe n’uko Claude MUHAYIMANA atazaburanishwa ku byaha yakoreye ku Kiliziya cyo ku Kibuye, kuri Saint-Jean cyangwa kuri stade Gatwaro.”
GAUTHIER yavuze ko ari ugutegereza umwanzuro w’umucamanza ushinzwe gutegura urubanza ugomba kwemeza igihe urubanza ruzatangirira kuburanishwa “Ordonnance de mise en accusation (OMA).
Ati “Ubwo nibwo tuzamenya ibyo Claude MUHAYIMANA ashinjwa mu rukiko rw’i Paris (Cour d’assises de Paris).”
Muri Gashyantare 2014, ubutabera bwo mu Bufaransa bwanze kohereza mu Rwanda Claude Muhayimana ngo abe ariho aburanishirizwa.
UMUSEKE.RW
from UMUSEKE http://ift.tt/2wVGqOW
No comments:
Post a Comment