Mbere yo gusubira muri Amerika, Meddy afite impamba azabanza kugeza kubatuye mu byaro

Médard Jobert Ngabo, bakunze kwita Meddy akaba icyamamare muri muzika Nyarwanda arabwira abafana be bari hirya no hino mu gihugu cyane cyane abo mu bice by'icyaro ko atazasubira muri Leta zunze ubumwe za Amerika atabagezeho.

Meddy uherutse kuza mu Rwanda nyuma y'imyaka irindwi aba muri Leta zunze ubumwe za Amerika yatangarije thenewtimes ko ari iby'agaciro kuba yaragarutse mu Rwanda akaba aje kunganira abakora mu ruganda rw'umuziki kugirango batere indi ntambwe nziza.

Ati: "Ndishimye kuba naragarutse mu gihugu cyanjye gukora ibyo nkunda cyane, ngiye gukorana n'abatunganyamuziki n'abahanzi batandukanye ba hano kugirango ngerageze kongera kwinjira mu mitima y'abantu b'inaha, birashimishije gukorana na bo kugirango twese tuzamure uruganda rwa muzika."

Meddy yavuze ko icyatumye amara imyaka myinshi (irindwi) ataragaruka mu Rwanda ari uko yashakaga gukora ikintu gikomeye kandi ngo kugera ku bintu bikomeye bisaba imyakamyinshi.

Ati: "Biri gihe nashakaga gukora ikintu kinini, kandi kubigeraho ntabwo bisaba imyaka ibiri cyangwa itatu gusa , ubwo rero byansabaga kwitegura no kwegeranya ibintu no gushaka abantu ba nyabo tugakorana, ubwo rero ndumva byari ngombw agutegereza iyi myaka."

Meddy avuga ko yari afite icyize ko abafana be bakimufite ku mutima ariko ngo yatunguwe n'umubare mwinshi w'abo yasanze bamutegereje ku kibuga cy'indege umunsi yageraga mu Rwanda.

Ajya kuza ngo yari afite intego yo gukora ibitaramo bikomeye agashimisha abafana be, bityo ngo bamwitege kuko yaje aje kubashimisha. Ati: "Nri mfite intego yo gutegura ibitaramo byiza kandi binini, naragarutse mu buzima busanzwe kandi ndacyahari mu gihe cy'ibyumweru bike kandi ninasubira muri Amerika nzakomeza kujya ngaruka, mfite gahunda yo kujya nkora igitaramo mu Rwanda byibuze buri mwaka."

Ndashaka kujya mu nguni zose z'igihugu kugirango mbonane na buri mufana kuko igitaramo cya Beer Fest cyari icy'abanya-Kigali gusa, ubwo rero ndashaka kujya no mu byaro kugirango nizere ko mpagije buri wese.

Yagarutse ku mpinduka zigaragara mu Rwanda nyuma y'imyaka yari amaze atarubamo avuga ko yatangajwe n'izo mpunduka, ngo u Rwanda yasize sirwo yasanze agarutse.

Kuri we ngo yabonye abantu barahindutse mu myumvire, kandi ngo byaramushimishije cyane.

from Makuruki.rw | Amakuru Asesenguye! http://ift.tt/2vP8KC4
via IFTTT