*Barashe Yvan bamuri hejuru amasasu atobora na kaburimbo
*Bamurashe atari kwitabara, mu gituza, mu nda no mu mutwe
*Abe basabye indishyi za miliyoni 41
Muri iki gitondo, aho icyaha cyabereye i Gikondo iburanisha mu mizi ryatangiye mu rubanza Pte Claude Ishimwe na Pte Jean Pierre Nshimiyumukiza baregwa ibyaha bitatu bishingiye ku kwica barashe Yvan Ntivuguruzwa mu kwezi kwa gatanu. Bavuze ko hari amasasu batazi uko barashe.
Aba basirikare baregwa ibyaha bitanu; Ubufatanyacyaha mu bwicanyi, ubwambuzi bukoresheje kiboko, ubugande, kurasa nta tegeko no konona ikintu cy’undi ku bw’inabi.
Pte Claude Ishimwe we mu kuburana ifungwa n’ifungurwa ry’agateganyo yemeye ibyaha byose baregwa naho mugenzi we Nshimiyumukiza yemeye ubufatanyacyaha gusa.
Uyu munsi kandi biteganyijwe ko humvwa uruhande rw’abasaba indishyi muri uru rubanza.
Ubushinjacyaha uyu munsi bwavuze ko basanze hari amasasu yarashwe mu muhanda akanatobora kaburimbo y’imbere y’akabari babanje kurwaniramo.
Mu kabari kandi ngo bahasanze amasasu arindwi yarasiwemo naho.
Pte Jean Pierre Nshimiyumukiza na mugenzi we bavuze ko amasasu yagiye munzu batazi uko yagiyemo ngo ashobora kuba yaragiyemo barimo kugundagurana {na Yvan wishwe}.
Ubushinjacyaha buvuga ko Nshimyumukiza yarashe Yvan amuhagaze hejuru kuko ngo ayo masasu niyo yinjiye muri kaburimbo.
Naho ayinjiye mu nzi ngo Nshimyumukiza yari akurikiranye umugore wa Yvan.
Me Habyarimana Jean Baptiste uhagarariye umuryango wa Yvan Ntivuguruzwa, nyina n’abavandimwe be barindwi ahakana ibyo abaregwa bavuze ko Yvan yahoze mu ngabo (ari demob).
Yemeza ko yari umusiviri utarigeze anakora ku mbunda.
Me Habyarimana avuga ko abarashe batitabaraga kuko ngo barekuye amasasu 15 mu mbunda , kandi ngo barasaga mu kico gusa; mu gatuza, mu mbavu no mu mutwe.
Ikindi kandi ngo umwe mu baregwa yakurikiranye umugore wa nyakwigendera mu kabari ashaka kumugirira nabi.
Iburanisha rirakomeje………
Callixte NDUWAYO
UMUSEKE.RW
from UMUSEKE http://ift.tt/2eQmkxy
No comments:
Post a Comment