Abakozi 6 b’akarere ka Ntungamo muri Uganda bahagaritswe ku mirimo ya bo kubera ikibazo cy’imyambarire mu kazi abayobozi ba bo bakuru bavuga ko idahwitse.
Aba bakozi bose b’igitsina gabo bahagaritswe n’umuyobozi mukuru w’urwego rw’igihugu rushinzwe imiyoborere , Kweyamba Ruhemba akaba yabahagaritse avuga ko imyambarire ya bo yaheshaga isura mbi abo bayobora n’abo bakorana ndetse n’akarere bakorera muri rusange.
Mu gihe aba bakozi baba bategetswe kwambara neza bagashyiraho na karavate n’indi myenda ibubahishije nk’abakozi bal eta, umuyobozi wa bo yavuze ko babaye boherejwe mu rugo mu gihe kingana n’amezi 2 ngo babanze bige kwambara neza kuko ibyo babwirijwe batabyubahirije.
Mu ntangiriro z’uyu mwaka, ni bwo minisiteri y’abakozi bal eta muri Uganda yari yashyizeho itegeko ribuza abakozi ba leta kwambara uko biboneye, aho iri tegeko ryagarutse cyane ku bagore bambara utwenda tubonerana, utubafashe, impenure, gusiga inzara n’ibindi.
Mu gihe ku bagabo na bo bari bihanijwe ku kwambara ipatalo zigeze munsi y’ikibuno, kwambara imyenda icagaguye (Dechirees) n’ibindi ahubwo bagasabwa kujya bambara imyenda iberekana nk’abahagarariye inzego runaka kandi ziyubashye.
Umunyamabanga uhoraho muri Minisiteri y’Abakozi muri Uganda, Catherine Bitarakwate Musingwiire yavuze ko ibi ari bimwe mu bihano byataniye gufatirwa abatubahiriza amabwiriza yashyizweho ubwo hasohokaga iri tegeko.
Kanda hano ujye ubona amakuru yihuse kandi kugihe kuri Facebook no kuri twitter
from bwiza http://ift.tt/2uQlXWF
via IFTTT
No comments:
Post a Comment