Ikigo L.E.A.F. Pharmaceuticals gifite icyicaro i Valley Forge, muri Leta ya Pennsyvania, muri Leta Zunze Ubumwe za Amerika kikaba gifite intego yo kuvumbura, guteza imbere no gushyira ku isoko imiti igezweho yizewe ya cancer, kiratangaza ko kigiye gufungura icyicaro cyacyo mu Rwanda nka L.E.A.F. Rwanda Ltd kizaba giherereye i Kigali.
Iri shami rya L.E.A.F. Pharmaceuticals mu Rwanda ngo kikazibanda kugira u Rwanda icyanya cy’ubushakashatsi n’iterambere mu ikorabuhanga mu by’ubuzima no mu bijyanye no gukora imiti muri Afurika.
Iki kigo mu Rwanda kandi ngo kikazakora ku buryo kireshya kandi kikagumana abahanga mu by’ikorabuhanga mu by’ubuzima n’ubushakashatsi bujyanye nabwo bo muri Afurika no hanze yayo, mu rwego rwo kuvumbura no guteza imbere imiti igezweho ivura indwara zibangamira ubuzima bw’Abanyafurika.
L.E.A.F. Rwanda ikazaba ikorana bya hafi L.E.A.F. Pharmaceuticals mu koroshya ibijyanye no guhererekanya ubumenyi ku mugabane hagamijwe kubaka uruganda rugezweho kandi rurambye mu bijyanye n’ikoranabuhanga mu by’ubuzima muri Afurika.
Dr Clet Niyikiza, wa kabiri uhereye ibumoso na perezida Kagame mu 2008
Umunyarwanda Dr. Clet Niyikiza, washinze akaba ari nawe muyobozi mukuru wa L.E.A.F Pharmaceuticals, avuga ko amateka agaragaza ko imiti igezweho yatabara ubuzima ifata igihe kirekire ngo igere ku banyafurika, akaba ari muri urwo rwego L.E.A.F. Rwanda izaba ifite inshingano zo gukorera iyo miti Abanyafurika.
L.E.A.F. Pharmaceuticals yatangiye gukora muri Kanama 2014, ivuga ko izaba yashyize ahagaragara imiti igezweho ivura cancer muri Afurika guhera mu 2019.
Dr Clet Niyikiza na L.E.A.F. mu mwaka ushize mu Rwanda bakaba barahawe igihembo cy’uko bahize abandi mu kurwanya cancer, igihembo batsindiye biciye mu guhanga ibishya mu kwita ku buzima (2016 Health Care Innovator Award).
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
from bwiza http://ift.tt/2vFvaUz
via IFTTT
No comments:
Post a Comment