Raila Odinga wari mukandida watanzwe n’ihuriro ry’amashyaka mu matora ya perezida wa Repubulika muri Kenya,yatangaje ko agiye kwiyambaza urukiko rw’ikirenga nyuma yo gutangaza ko yibwe amajwi.
Mu nkuru igaragara kuri Citizen TV , Odinga yatangaje ko nubwo yari yaravuze ko batazagana urukiko rw’ikirenga, bisubiyeho bakaba bagiye kuregera uru rukiko, kuko ngo bibwe amajwi, biciye mu buryo bw’ikoranabuhanga avuga ko bwinjiwemo bigatuma Kenyatta amutsinda.
Kimwe mu bitera Raila Odinga kugana inkiko ngo ni uburyo abaturage bagiye bahohoterwa nyuma y’aya matora.
Ku bwa Odinga yasabye abayoboke be kutihanganira akarengane kabaye muri ayo matora, ahubwo ko ari igihe cyo guhaguruka bagavuza ingoma binajyana no gukora buri cyose mu rwego rwo kutishimira ako karengane, ariko ibikorwa byose biciye mu guceceka.
Yasabye ibihugu bya Afurika birangwa na demokarasi n’abanyakenya bose kumushigikira. Muri aya matora yabaye ku wa Kabiri tariki ya 8 Kanama 2017, Odinga yagize amajwi 44.7%, mu gihe Kenyatta watsinze aya matora 54%.
Nyuma y’aya matora abantu bagera ku 100 bishwe barashwe na polisi nkuko bitangazwa n’abatavuga rumwe na leta, mu gihe ku ruhande rwa leta ruvuga ko iyo mibare ari ugukabya, mu gihe imiryango irengera uburenganzira bwa muntu itangaza ko hamaze gupfa abantu 24.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus / Bwiza.com
from bwiza http://ift.tt/2uI9ZT0
via IFTTT
No comments:
Post a Comment