Icyuma cyavuraga kanseri Abanyarwanda n’abanya-Uganda cyari cyarapfuye cyabonye ikigisimbura

Icyuma cyavuraga kanseri mu bitaro bizwi mu kuvura iyi ndwara mu buryo bwo gushiririza bya Mulago, giherutse gupfa muri 2016, ubu cyabonye ikigisimbura cyamaze kugezwa i Kampala muri Uganda.

Ni inkuru nziza, ku banya-Uganda, Abanyarwanda n’Abanyasudani y’Epfo bari bamaze umwaka batabona serivisi zatangwaga n’iki cyuma. Mu nkuru Bwiza.com ikesha ikinyamakuru The Monitor, igaragaza ko kuba kitari gihari byari nk’inzira y’umusaraba ku barwaye iyi ndwara.

Ubu cyamaze gusesekare muri Uganda  muri iki cyumweru, kiguzwe muri Repubulika ya Czech ku mugabane w’u Burayi. Cyaguzwe amashilingi ya Uganda asaga  miliyari 2.7, ni ukuvuga amayero asaga ibihumbi 642, mu mafaranga y’u Rwanda asaga miliyoni 640.

icyuma gishya

Iki cyuma cyasimbuye  icyapfuye cyitwa cobalt 60 radiotherapy machine u Bugande bwari bwarahawe nAbashinwa mu mwaka w’1995, cyapfuye nyuma yo kugisana kenshi ariko kigapfa burundu tariki ya 27 Werurwe  2016. Cyapfuye hari abarwayi basaga ibihumbi bibiri bagitegereje, ku buryo harimo n’abapfuye.

Icyo gihe bamwe mu bari baragiye kwivuriza muri ibyo bitaro bategereje icyo cyuma  bagiriwe inama yo kujya kwivuriza I Nairobi muri Kenya, abandi bahinduye uburyo bwo kuvurwamo iyo ndwara. 

Inkuru yabaye kimomo ko iyo mashini yageze muri Uganda nkuko byatangajwe n’Umuyobozi w’ikigo cya Uganda gishinzwe kurwanya iyi ndwara ( Uganda Cancer Institute-UCI) Dr Jackson Orem.

Yagize ati “ Imashini(icyuma) iri ahantu mu bubiko ahantu muri Kampala, kontineri irimo ibice byacyo bizahabwa UCI ku wa gatatu, kugifunga ngo gikoreshwe bizakorwa byibura mu kwezi kumwe.”

 

Icyuma cyapfuye

Icyuma cyari cyarapfuye cyakoreshaga imirasire(Rayons) mu kuvura kanseri abahanga bita (radiotherapie) mu Gifaransa, cyapfuye ku buryo kitakorwa, dore ko cyagiye gisanwa kenshi.

Cyavuraga abarwayi basaga ibihumbi 44 ku mwaka, bavuye muri Uganda no mu bihugu bituranye nayo.

Hafi ya bitatu bya kane by’abarwayi ba kanseri baba bakeneye gucishwa muri icyo cyuma.

Iki cyuma gikoresha imirasire mu gutwika uturemangingo twa kanseri mu mubiri, kandi gikoreswa ku bwoko butandukanye bwa kanseri.

Kanda hano ujye ubona amakuru yihuse kandi kugihe kuri Facebook no kuri twitter

Ntakirutimana Deus ̸ Bwiza.com

from bwiza http://ift.tt/2w3ZzNh
via IFTTT