Ikipe y’igihugu ya Uganda yageze i Kigali. Yaje gukina umukino wo kwishyura mu gushaka itike yo kujya muri CHAN 2018. Mu bakinnye umukino ubanza wabereye i Kitende hari batatu bataje mu Rwanda harimo myugariro Savio Kabugo wagiye gukora igeragezwa muri Afurika y’epfo.
Bageze i Kigali badafite Savio Kabugo
Kuri uyu wa kane tariki 17 Kanama 2017 saa 15:30 nibwo ikipe y’Imisambi ya Uganda yageze ku kibuga cy’indege mpuzamahanga cya Kigali. Baje gukina umukono wo kwishyura kuko mu ubanza batsinze u Rwanda 3-0.
Abasore ba Moses Basena bageze i Kigali badafite abakinnyi batatu bakomeye bari banakinnye umukino ubanza wabereye kuri Stade ya St.mary Kitende nka Savio Kabugo wagiye mu igeragezwa muri Afurika y’Epfo, Rashid Toha ufite ikibazo cy’uburwayi na Shaban Mohammed bakaba basimbujwe Timothy Awany na Martin Kiiza.
Muri uyu mukino u Rwanda ruzaba rukinira imbere y’abafana barwo nirwo ruzaba rufite akazi kenshi kuko rusabwa kwishyura ibitego bitatu rwatsinzwe mu mukino ubanza ndetse rukabona icya kane kugira ngo rwizere kubona iyi tike.
Umukino uzaba kuwa Gatandatu tariki 19 Kanama 2017 kuri Stade ya Kigali i Nyamirambo ukazatangira saa cyenda n’igice.
Abakinnyi Uganda Cranes yazanye i Kigali:
Abanyezamu: Benjamin Ochan, Ismael Watenga.
Ba myugariro: Isaac Muleme, Nico Wakiro Wadada (Kapiteni), Bernard Muwanga, Timothy Awany, Paul Musamali.
Abo hagati: Moses Waiswa, Muzamir Mutyaba, Tom Masiko, Deus Bukenya, Shafic Kagimu, Milton Karisa, Martin Kizza, Simon Serunkuma, Erisa Ssekisambu, Martin Kizza.
Ba rutahizamu: Paul Mucureezi, Derrick Nsibambi
Elisa Sekisambu (ibumoso) aje mu Rwanda ku nshuro ya gatatu
Uganda Cranes yageze i Kigali
Nicolas Wadada (wambaye ingofero) ashobora kuzambara igitambaro cya arm band mu mukino wo kwishyura
Photo: Evode Mugunga/Umuseke
Roben NGABO
UMUSEKE
from UMUSEKE http://ift.tt/2uM0mCI
No comments:
Post a Comment