Perezida wa leta zunze ubumwe za Amerika, Donald Trump yashimiye mugenzi we wa Koreya ya Ruguru, ko yahagaritse umugambi wo gutera ibisasu ku butaka bwa Amerika.
Abicishije ku rukuta rwe rwa Twitter, Donald Trump yabwiye mugenz Kim Jong Un wa Koreya ya Ruguru, ko kuba yahagaritse umugambi wo kugerageza ibisasu babyohereza i Guam, ubutaka bwa Amerika ko yatekereje neza.
Ati “Kim Jong Un wa Koreya ya Ruguru wakoze iby’ubwenge cyane kandi unafata umwanzuro mwiza”.
Yakomeje amutangariza ko ibyo bikorwa byari kugira ingaruka ku bihugu byose kandi ntibinashyigikirwe.
Ku wa kabiri w’iki cyumweri nibwo Perezida Kim Jong un yatangaje ko abaye aretse kohereza ibyo bisasu i Guam, ubutaka bwa Amerika buri mu Nyanja ya Pasifika, avuga ko abaye aretse ngo abanze arebe icyo abo yise abasazi b’Abanyamerika batekereza.
Yatangaje ibi mu gihe Amerika yo itangaza ko yiteguye gushakira ikibazo umuti biciye mu biganiro. mu gihe kandi yanatangarije Koreya ya Ruguru ko umunsi izaba yashatse kurasa ku butaka bwa Amerika izabifata nk’itebwoba nayo ikabakurikiza umuriro.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philippe/Bwiza.com
from bwiza http://ift.tt/2v4Mi2c
via IFTTT
No comments:
Post a Comment