Muri Irani, abashyigikiye guverinoma bakoze imyigaragambyo kuri uyu wa gatandatu mu murwa mukuru Tehran. Iyo myigaragambyo ibaye ku munsi wa gatatu abadashyigikiye Leta bamaze bakora iyabo yakwiriye mu gihugu cyose. Abantu basa n'aho ari bake, barwanya Leta, bahuriye kuri Kaminuza ya Tehran. Gusa, barutwaga kure cyane n'abandi babarirwa mu bihumbi baje kugaragaza ingufu za guverinoma. Minisitiri w'ubutegetsi bw'igihugu yaburiye abakomeza kurwanya guverinoma, abasobanurira ko abaza kwigaragambya batagomba kujya mu bikorwa binyuranije n'amategeko. Za videwo zakwirakwiye ku mbuga mpuzambaga zerekanya abantu bazengurutse kaminuza, baririmba indirimbo zirwanya guverinoma. Imyigaragambyo nk'iyo kandi yabaye mu mujyi wa Mashad uri mu majyaruguru ashyira uburasirazuba bwa Irani no mu yindi mijyi minini. Ku rubuga rwe rwa Twitter, perezida w'Amerika Donald Trump yamaganye itabwa muri yombi ry'abantu bigaragambya mw'ituze. Hari amakuru yari yatangajwe avuga ko abantu barenga 50 bafashwe mu minsi ibiri iyo myigaragambyo imaze ikorwa.
from Voice of America http://ift.tt/2Cdblsl
via IFTTT
No comments:
Post a Comment