Papa Francis yamaganiye kure ihohoterwa rishingiye ku myemerere rikorerwa abimukira b'Abasilamu bahungiye Myanmar bavuye mu bihugu by'abaturanyi nka Bangaladesh.
Mu ruzinduko Umushumpa wa Kiliziya Gatolika ku Isi, Pope Francis, yagiriye muri Myanmar kuri uyu wa mbere, yasabye abasirikare b'iki gihugu gufata abasilamu bo mu bwoko bw'aba Rohingya nk'ikiremwamuntu bakabaha uburenganzira bungana n'ubw'abakirisitu ndetse n'abo mu idini risenga Budha.
Papa Francis yababajwe cyane n'ihohotera abasirikare ba Myanmar bakorera izi mpunzi bashingiye ku myemerere yazo.
Muri uru ruzinduko Papa Francis azamaramo iminsi itandatu, yiteguye guhura n'umukuru w'ingabo Min Aung Hlaing kugira ngo barebere hamwe uko umwiryane uri kugaragara hagati yabo ndetse n'Abasilamu b'aba Rohingya bawuhagarika bikiri mu maguru mashya.
Si umukuru w'ingabo uzahura na Papa Francis gusa, kuko harimo n'uhagarariye abaturage Aung San Suu Kyi umwe mu begukanye igihembo cya Nobel, bakazaganira ku ruhare agomba kugira mu guhangana n'ihohoterwa riri gukorerwa aba Rohingya.
Mbere y'uko Papa Francis ahaguruka i Vatican, yasabye abantu basaga 30,000 bari batereniye kuri St Peter's Square ko bagombaga kumufasha gusenga kugira ngo urugendo rwe rugire impinduka rusiga muri biriya bihugu bikomeje kurangwamo ihohoterwa rishingiye ku bwoko cyangwa imyemerere.
Abasilamu bo mu bwoko bw'aba Rohingya bahungiye muri Myanmar basaga 600,000, bakaba barahungiye muri iki gihugu mu mezi atatu gusa ashize.
Papa Francis agiye kuba Umushumba wa mbere wa Kiliziya Gatolika uzaba usuye igihugu cya Bangaladesh kuva mu 1986.
from Makuruki.rw | Amakuru Asesenguye! http://ift.tt/2iVSiHq
via IFTTT
No comments:
Post a Comment