Umukinnyi wo hagati w'ikipe ya APR FC Butera Andrew yongewe ku rutonde rw'abakinnyi b'ikipe y'igihugu bitegura CECAFA izabera muri Kenya guhera mu mpera z'iki cyumweru tariki ya 3/12/2017.
Butera yahamagawe mu ijoro ryo kuri iki cyumweru nyuma yo gutsinda igitego cyatumye ikipe ye ya APR inganya na Mukura VS. Butera yaramaze igihe atagina kuko yakundaga kugira imvune zihoraho gusa aho akiriye akaba ari kwitwara neza.
Butera yaherukaga gukina CECAFA mu mwaka wa 2012 ubwo u rwanda rwageraga ku mukino wa nyuma rugatsindwa na Uganda kuri penaliti uyu mukino ni nawo Butera yavunikiyemo bwa mbere bituma akomeza gukurikiranwa n'imvune zidashira.
Muri iyi CECAFA ya 2012 ni nabwo Butera yigaragaje nyuma y'iminsi micyeya yaravuye mu gikombe cy'Isi we na bagenzi be bari batarengeje imyaka 17. Icyo gihe Karekezi Olivier wari kapitene w'Amavubi yavuze ko yatunguwe n'imikinire ya Butera kuko ngo yari amubonyemo impano itangaje.
Ubu Amavubi aka yahise agira abakinnyi 24 bari mu myitozo hakaba hagomba kuvamo umwe kuko muri CECAFA bemerewe kujyana abakinnyi 23 bo na Uganda kuko aribo bazahagararira aka karere muri mikino ya CHAN.
Amavubi yatangiye imyitozo ejo ku cyumweru akaba yakomeje kuri uyu wa mbere aho bazajya bakora kabiri ku munsi mu gitondo saa tatu na nimugoroba saa kumi. Amavubi azatangira imikino ya CECAFA akina na Kenya izayakira tariki ya 3/12/2017
Abakinnyi bose 24 bari mu myitozo
Abanyezamu: Kimenyi Yves (APR Fc), Nzarora Marcel (Police Fc) na Eric Ndayishimiye (Rayon Sports Fc)
Abakina inyuma : Rugwiro Herve (APR Fc), Omborenga Fitina (APR Fc), Imanishimwe Emmanuel (APR Fc), Manzi Thierry (Rayon Sports), Usengimana Faustin (Rayon Sports), Rutanga Eric (Rayon Sports), Kayumba Soter (AS Kigali), Iradukunda Eric (AS Kigali) na Mbogo Ally (SC Kiyovu).
Abo hagati : Bizimana Djihad (APR Fc), Hakizimana Muhadjiri (APR Fc), Nshimiyimana Amran (APR Fc), Mukunzi Yannick (Rayon Sports), Manishimwe Djabel (Rayon Sports), Niyonzima Ally (AS Kigali), Niyonzima Olivier (Rayon Sports) na Andrew Butera (APR Fc).
Abakina imbere : Nshuti Innocent (APR Fc), Sekamana Maxime (APR Fc), Mico Justin (Police Fc), Biramahire Abeddy (Police Fc)
from Makuruki.rw | Amakuru Asesenguye! http://ift.tt/2iVShmQ
via IFTTT
No comments:
Post a Comment