`Nzemera intsinzwi amatora nakorwa mu mucyo- Uhuru Kenyatta

Perezida wa Kenya Uhuru Kenyatta yavuze ko azemera insinzwi mu gihe amatora yakozwe mu mucyo.

Ibi Perezida Kanyatta yabitangaje kuri televiziyo kuwa gatandatu w'icyumweru ndetse asaba abo bahanganye kuzemera ibyavuye mu matora basigasira umutekano w'igihugu cyabo.

Yavuze ko leta ayoboye ishaka ko amatora bari kwitegura azarangwa n'umutekano usesuye ari nayo mpamvu abashinzwe umutekano bahawe ibikoresho byose bishoboka ngo bahangane n'uwashaka kuwuhungabanya.

Uhuru Kenyatta kandi yabijajwe ku byo we n'ishyaka ahagarariye rya Jubliee bakoze mu kurwanya inzara, guhangana n'ikibazo cy'ubushomeri mu rubyiruko, gukorana n'ibindi bihugu bigize umuryango w'Afurika y'Uburasirazuba, uduce tumwe twirengagijwe,iterabwoba n'ibindi.

Ku bice bivugwa ko byirengagijwe, Uhuru Kenyatta yavuze ko hakozwe byinshi mu myaka aho hubatswe imihanda, no kuhashyira amashanyarazi. Gusa yanemeye ko hari ibitaragerwaho bikiri gukorwa.

Amatora yo muri Kenya akunze kurangwa n'imvururu aho muri 2008 abantu bamwe bapfuye abandi bagasahurwa.

from Makuruki.rw | Amakuru Asesenguye! http://ift.tt/2vXswHZ
via IFTTT