Arsene Wenger yahishuye impamvu itangaje yatumye yerekwa icyubahiro kidasanzwe nyuma yo gutsindwa na Manchester United.

Ku munsi w’ejo ku cyumweru tariki 29 Mata 2018 nibwo ikipe ya Manchester United yari yakiriye ikipe ya Arsenal mu mukino wa shampiyona y’Abongereza izwi nka English Premier League, umukino warangiye ikipe ya Manchester United isigaranye amanota atatu ku ntsinzi y’ibitego 2-1.

Ni umukino wa nyuma umutoza wa Arsenal,Arsene Wenger akiniye ku kibuga cya Manchester United ari kumwe n’ikipe ya Arsenal nyuma yo gutangaza ko azahagarika imirimo yo gutoza iyi kipe mu mpera z’uyu mwaka w’imikino.Mbere y’uko uyu mukino utangira, ubwo umutoza wa Arsenal yavaga mu rwambariro, abakunzi b’amakipe yombi bamukomeye amashyi bamugaragariza icyubahiro kidasanzwe, ndetse anahabwa igihembo n’uwahoze ari umutoza wa Manchester United witwa Sir Alex Ferguson.

Nyuma y’uyu mukino utari woroshye, uyu mutoza (Arsene Wenger) yatangaje ko impamvu abakunzi ba Manchester United bamugaragarije icyubahiro kidasanzwe ari uko atakiri mucyeba wabo. Aganira n’itangazamakuru nyuma y’umukino, Arsene Wenger yagize ati:”Biriya ni ibikwereka ko mu gihe utagiteye impungenge abantu, abantu barakubaha cyane.”

from YEGOB|Entertainment News https://ift.tt/2JEvdE2
via IFTTT