Koreya y’epfo imenyesha ko igiye kurungika intumwa idasanzwe muri Koreya ya ruguru mu ndwi iza kuganira integuro y’inama igira gatatu hagati y’abategetsi b’ivyo bihugu. Umuvugizi wa Perezida wa Koreya y’epfo yatangaje kuri uyu wa gatanu ko iyo ntumwa izoshika i Pyongyang ku musi wa gatatu kuganira ku bibazo bitari bike harimwo no gushinga isango abo bategetsi bazobonanirako. Perezida wa Koreya y’Epfo Moon Jae-in n’uwa Koreya ya ruguru Kim Jong-un baremeranije mu nama yabahuje mu kwezi kwa kane i Panmunjom ko Moon azogendera Pyongyang mu mpera z’uyu mwaka.
from Voice of America https://ift.tt/2NDZHbY
via IFTTT
No comments:
Post a Comment