Somalia: Igitero cyahitanye 14 barimo umudepite n'umupolisi mukuru

Abantu 14 ni bo bamaze kubarurwa ko bahitanywe n'ibisasu byaturikirijwe mu mujyi wa Mogadishu muri Somalia bigakurikirwa n'igitero cyagabwe kuri Hoteli yegereye aho byaturikirijwe

Ibi bitero byagabwe i Mogadishu kuri uyu wa Gatandatu tariki 28 Ukwakira 2017. Abenshi mu bapfiriye muri iki gitero ni abasivili ariko umupolisi mukuru ndetse n'umudepite bari mu baburiye ubuzima muri iki gitero.

Abarwanyi babiri ba Al-Shabaab nibo bakekwaho kugaba iki gitero muri hoteli yitwa Nasa Hablod Hotel nyuma yuko hafi yayo hari hamaze kumvikana urusaku rw'ibisasu.

Iki gitero kije nyuma y'ibyumweru bibiri gusa i Mogadishu hagabwe ikindi gitero simusiga cyahitanye imbaga y'abasaga 358, iki kikaba ari na cyo gitero cyahitanye benshi mu mateka y'iki gihugu.

Abarwanyi b'umutwe w'abarwanyi wa Al-Shabaab nibo bigambye igitero cyo kuri uyu wa Gatandatu bakoresheje Radiyo yabo bavuga ko abarwanyi bababo ari bo bagabye igitero muri hoteli.

from Makuruki.rw | Amakuru Asesenguye! http://ift.tt/2yVPP6w
via IFTTT