Umunya- Kenya Tanasha Donna, ubu uri mu rukundo n’umuhanzi Diamond, yasubije abavuga ko imodoka ‘BMW 320i’ yayiguriwe na Diamond, ashimangira ko ibyo bavuga ari ibihuha. Tanasha yabihakanye asubiza umufana we kuri Instagram witwa Dayana, wari umubajije iki kibazo,ndetse anashimangira ko Diamond yaba yaramuguriye inzu n’imodoka bihenze mu gihe se yirirwa yiyicira isazi mu maso ndetse atanagira n’aho aba. Dayana yagize ati ” Mana yanjye, Tanasha, Diamond yakoze iki gikorwa! iyi niyo mpamvu mukunda cyane, mu gihe ari mu rukundo, kugurira umukunzi we ibintu by’agaciro nk’imodoka cyangwa inzu ntabwo ari ibintu kigitangaza cyane,…”. Dayana yakomeje agira inama Tanasha yo kuzabwira Diamond akazafasha na se wirirwa asembera atagira aho aba akaba yamwubakira inzu y’amasaziro. Gusa ku ruhande rwa Tanasha yahise asubiza uyu mufana amubwira ko ibyo atunze yabyiguriye. Yamusubije agira ati “Diamond ntabwo yigeze angurira iyi modoka, ni njyewe ubwanjye wayiguriye”. Umuhanzi Diamond Platnumz usanzwe afite abana batatu yabyaranye n’abagore babiri batandukanye, yatangaje ko ku wa 14 Gashyantare 2019, aribwo azashyingiranwa na Tanasha, umukobwa arata ubwiza n’uburanga. Kuri iyi tariki ya 14 Gashyantare 2018, nibwo yatandukanye ku mugaragaro na Zari Hassan bari bamaze imyaka igera kuri ine babana nk’umugore n’umugabo ndetse banamaze kubyarana abana babiri.
from bwiza.com http://bit.ly/2GMDdpW
via IFTTT
No comments:
Post a Comment