Ubutumwa bwa Kizito Mihigo ku mwaka mushya wa 2019

Umuhanzi Kizito Mihigo uherutse kugirirwa imbabazi na Perezida wa Repubulika, Paul Kagame, yatanze ubutumwa ku mwaka mushyaka wa 2019, avuga ko hakwiye amasengesho kugira ngo uyu mwaka uzabe uw’ituze. Abicishije ku rukuta rwe rwa Twitter, kuri uyu wa Mbere tariki ya 31 Ukuboza 2018, Kizito yavuze ko umwaka wa 2018 waranzwe na bimwe mu bikorwa bibi, bityo akifuza ko uwa 2019, wazaba uw’urukundo n’ituze. Yagize ati “Umwaka ushize wa 2018, waranzwe n’ubugome butandukanye ahantu henshi ku isi: Iterabwoba, intambara, ibitero by’ubwiyahuzi n’ibindi. Dusenge 2019 izabe umwaka w’Ituze, Amahoro, Ubwubahane, Ubworoherane, Ubutagoma, Ubuvandimwe, Imbabazi, Ubwiyunge, umwaka w’Urukundo! Ku wa Gatanu tariki ya 14 Nzeri 2018, nibwo hasohowe itangazo ry’ibyemezo by’inama y’Abaminisitiri, yari iyobowe na Perezida Kagame. Ririmo ko Kizito Mihigo n’izindi mfungwa zisaga ibihumbi bibiri zafunguwe ku bw’imbabazi za Perezida. Umuhanzi Kizito Mihigo, yari yarakatiwe igifungo cy’imyaka 10 mu mwaka wa 2015, nyuma yo guhamwa n’ibyaha birimo icy’ubugambanyi bwo kugirira nabi Ubutegetsi buriho cyangwa umukuru w’igihugu.  

from bwiza.com http://bit.ly/2VmDgvW
via IFTTT